| e-texts navigator |
| Wylie |
192b1 དག་སྐྱེ་མེད་རྟོགས་པས་སྒོམ་པ་མེད།། དངོས་མེད་རྣལ་མ་རྟོགས་པས་བསམ་དུ་མེད།། སོ་མ་ལྷུག་པ་བག་ཡངས་རྟོགས་པས་སྤྱོད་པ་མེད།། ཡེ་ནས་རང་འཁྲུངས་རྟོགས་པས་འབྲས་བུ་མེད།། རྟག་ཆད་བློ
192b2 ལས་གྲོལ་བས་ལྷ་སྒོམ་མེད།། བློ་ཟད་ཉོན་མོངས་ཡེ་བརླག་ཡིད་སྨོན་སངས་རྒྱས་མེད།། ཡང་ཏི་ཡོ་ག་རྟོགས་པས་ན།། རིག་མེད་སེམས་མེད་ཆོས་རྣམས་མེད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར
192b3 མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། ཡང་ཏི་རྩོལ་སྒྲུབ་འདས་པ་ལ་ལྷ་སྒོམ་སྤྱོད་འབྲས་མི་དགོས་པར་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་གསལ་དག་རིན་ཆེན་གྱིས།། སྐྱེ
192b4 མེད་ཀ་དག་སྟོན་པ་ལ།། ཐེག་དགུ་སྤང་ངམ་ཇི་ལྟར་བགྱི།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཡང་ཏི་ཉི་ཟླའི་སྙིང་པོ་ལ།། ཐེག་དགུ་སྤངས་པས་རྫོགས་མི་འགྱུར།། ཐེག་དགུ་སྤངས་ལེན་མེད
192b5 པར་རྫོགས།། ཡུལ་སེམས་གཉིས་སུ་མ་བཟུང་བས།། ཉན་ཐོས་ལྟ་བ་ངང་གིས་རྫོགས།། རྟེན་འབྲེལ་རྣམ་པར་རིག་མེད་པས།། རང་རྒྱལ་ལྟ་བ་ངང་གིས་རྫོགས།། ཡུལ་སེམས་གཉིས་མེད་མ་བཟུང་བས།། སེམས
192b6 ཙམ་ལྟ་བ་ངང་གིས་རྫོགས།། དོན་དམ་ཀུན་རྫོབ་གཉིས་མེད་པས།། དབུ་མའི་ལྟ་བ་ངང་གིས་རྫོགས།། དག་པ་རིགས་གསུམ་མགོན་མེད་པས།། ཀྲི་ཡའི་ལྟ་བ་ངང་གིས་རྫོགས།། མར་སྤྱོད་ཡར་ལྷའི་སེམས་མེད
iiif viewer powered by OpenSeadragon
