| e-texts navigator |
| Wylie |
192a1 སོ།། ཡང་ཏི་ཉི་ཟླའི་སྙིང་པོ་ལ།། ད་གདོད་བྱ་བཙལ་རྩོལ་སྒྲུབ་ག་ལ་ཡོད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། སྤྱི་འདས
192a2 ཡང་ཏི་ལ་བྱ་བཙལ་བློ་ཆོས་མི་དགོས་པར་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། རྩོལ་བསྒྲུབ་འདས་པའི་ཐེག་པ་ལ།། ལྷ་སྒོམ་སྤྱོད་འབྲས
192a3 དགོས་མི་དགོས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཡང་ཏི་རྩོལ་བསྒྲུབ་འདས་པ་ལས།། ལྟ་སྒོམ་སྤྱོད་འབྲས་བློ་ཡི་ཡུལ།། བློ་ཡི་ཡུལ་ལས་ངེས་པ་མེད།། བློ་ཡུལ་མ་ཟད་སངས་རྒྱས་ཆོས་མི
192a4 ཟད།། དེས་ན་ཡང་ཏི་ཉི་ཟླའི་སྙིང་པོ་ལ།། ཞེ་འདོད་ལྟ་བའི་སེམས་དང་བྲལ།། དམིགས་པ་སྒོམ་པའི་སེམས་དང་བྲལ།། བྱ་རྩོལ་སྤྱོད་པའི་སེམས་དང་བྲལ།། རེ་དོགས་འབྲས་བུའི་སེམས་དང་བྲལ།། ཐིག་ལེ
192a5 མཐོང་བརྟོལ་སེམས་དང་བྲལ།། ཞེ་འདོད་གཟའ་གཏད་ལྟ་བ་མེད།། ཀ་དག་འོད་གསལ་བསྒོམ་པ་ལ།། དམིགས་གཏད་ཡིད་གཟུངས་བསྒོམ་པ་མེད།། དངོས་མེད་བྱར་མེད་རྣལ་མ་ལ།། བྱ་བཙལ་མེད་པས་སྤྱོད
192a6 པ་མེད།། གསང་བའི་ཡང་སྙིང་བློ་འདས་ལ།། གཞན་ནས་རྙེད་པའི་སངས་རྒྱས་མེད།། ཡེ་ནས་སྐུ་གསུམ་ལྷུན་གྲུབ་ལ།། རེ་དོགས་འབྲས་བུ་ཡོངས་ཀྱིས་མེད།། མིང་མེད་ཕྱོགས་བྲལ་རྟོགས་པས་ལྟ་བ་མེད།། ཀ
iiif viewer powered by OpenSeadragon
