| e-texts navigator |
| Wylie |
191b1 རྣལ་མ་རང་སར་ཞོག། ཆེད་དུ་རྩོལ་བསྒྲུབ་གང་ཡང་མེད།། འགྲོ་ཡིན་འགྲོ་ཡིན་རང་སར་གྲོལ།། སྡོད་ཀྱིན་སྡོད་ཀྱིན་རང་སར་གྲོལ།། ཉལ་ཀྱིན་ཉལ་ཀྱིན་རང་སར་གྲོལ།། ཟ་ཡིན་ཟ་ཡིན་རང་སར་གྲོལ།། སྡུག
191b2 གིན་སྡུག་གིན་རང་སར་གྲོལ།། སྐྱེད་ཀྱིན་སྐྱེད་ཀྱིན་རང་སར་གྲོལ།། གང་ན་གནས་ཀྱང་མ་ཆགས་རང་སར་གྲོལ།། ཅི་ལ་སྤྱོད་ཀྱང་མ་ཞེན་རང་སར་གྲོལ།། ཇི་སྐད་སྨྲས་ཀྱང་གྲག་སྟོང་གྲོལ།། ཅི་ཐོས་གང་ཡང་མ
191b3 ཉན་གྲོལ།། གང་ལ་རེག་ཀྱང་མ་བཏང་མ་བཟུང་གྲོལ།། སྒོ་ལྔ་གསལ་བའི་ཤེས་པ་ལ།། ཡིད་ལྔ་མ་བསྒྲུབས་ཟང་ཐལ་གྲོལ།། ཡིད་རིག་འགྲུས་ཀྱང་མ་བཟུང་གྲོལ།། སྐྱེ་མེད་འགག་མེད་སྣ་ཚོགས་ཀྱང་།། སྣ་ཚོགས
191b4 སྐྱེ་མེད་ཀློང་དུ་གྲོལ།། དངོས་མེད་དངོས་པོ་ཇི་སྙེད་ཀྱང་།། ངང་དངས་དངོས་མེད་ཀློང་དུ་གྲོལ།། ཅང་མེད་ཅིར་སྣང་དེ་ཀར་གྲོལ།། སྟོང་པའི་ཀློང་ནས་ཀུན་འབྱུང་སྟོང་པ་དང་དུ་གྲོལ།། རྩ་ཟེར་རིག་སེམས་འོད
191b5 གསལ་ཆེན་པོར་གྲོལ།། འགྱུ་བ་དྲན་པ་བློ་དང་རྟོག་པ་ཡང་།། ངང་དངས་རང་སངས་སྙིང་པོའི་ཀློང་དུ་གྲོལ།། བློས་བཏགས་ཆོས་རྣམས་ཐམས་ཅད་ཀྱང་།། ཆེད་དུ་དགག་བསྒྲུབ་རྩོལ་བས་མ་སྤངས་པར།། ཀ་དག
191b6 དངོས་མེད་སྐྱེ་མེད་བྱར་མེད་བློ་ལས་འདས།། གནས་ལུགས་སྙིང་པོ་ཚིག་ཆོད་པ།། ཆོས་ཉིད་ཡང་དག་ངེས་པ་མ་ནོར་བ།། ཚིག་ཆོད་ཆོས་སྐུ་ལྷུན་གྲུབ་ཟང་ཐལ་ཡེ་ནས་གྲོལ།། ཡེ་དག་ཡེ་གསལ་ཡེ་གྲུབ་ཡེ་གནས
iiif viewer powered by OpenSeadragon
