| e-texts navigator |
| Wylie |
191a1 ཆོས་མི་འཚལ་ལམ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཡང་ཏི་ཉི་ཟླའི་སྙིང་པོ་ལ།། བྱ་བཙལ་རྩོལ་སྒྲུབ་མི་དགོས་ཏེ།། མ་བཙོས་རང་སར་གྲོལ་བས་མཆོག། ཆོས་རྣམས་ཐམས
191a2 ཅད་སྤྲོས་བཅད་ལ།། ལུས་ངག་ཡིད་གསུམ་དལ་བར་སྡོད།། སྤྱོད་ལམ་རྣམ་བཞི་ཅིར་སྤྱོད་ཀྱང་།། སྤྱོད་བཞིན་མ་ཆགས་བདེ་བའི་མཆོག། བལྟ་མི་བལྟ་ཡི་ལྟ་བ་མེད།། ལྟ་བ་རྩོལ་བས་སྒྲུབ་ཏུ་མེད།། བསྒོམ་མི
191a3 བསྒོམ་གྱི་སྒོམ་པ་མེད།། བསྒོམ་པ་རྩོལ་བས་བསྒྲུབ་ཏུ་མེད།། སྤྱོད་མི་སྤྱོད་ཀྱི་སྤྱོད་པ་མེད།། སྤྱོད་པ་རྩོལ་བས་བསྒྲུབ་ཏུ་མེད།། བསྒྲུབ་མི་བསྒྲུབ་ཀྱི་བསྒྲུབ་ཏུ་མེད།། འབྲས་བུ་རྩོལ་བས་བསྒྲུབ་ཏུ་མེད།། ཕྲིན་ལས
191a4 རྩོལ་བས་བསྒྲུབ་ཏུ་མེད།། དམ་ཚིག་རྩོལ་བས་བསྲུང་དུ་མེད།། ས་ལམ་རྩོལ་བས་བགྲོད་དུ་མེད།། ཅིར་སྣང་ཅིར་སྲིད་ལྟ་བ་ལ།། ལྷ་དང་མི་ལྷའི་རྩོལ་སྒྲུབ་མེད།། རིག་ཚད་འགྲུས་ཚད་གྲོལ་བ་ལས།། ཐུན་དུ
191a5 བཅད་པས་བསྒོམ་དུ་མེད།། གང་གང་སྣང་སྣང་སྤྱོད་པ་ལས།། རྩོལ་བས་ཆེད་དུ་སྤྲད་དུ་མེད།། ཀ་དག་འོད་གསལ་དམ་ཚིག་ལས།། ཆེད་དུ་བསྲུང་ཞིང་བསྡམ་དུ་མེད།། སྦྱང་བགྲོད་ཡེ་མེད་གྲོལ་བ་ལས།། ས་ལམ
191a6 སྦྱངས་ཤིང་བགྲོད་དུ་མེད།། འབྲས་བུ་ཡེ་ཀློང་མཐའ་སྟོངས་པས།། ཡིད་སྨོན་རེ་དོགས་རྩོལ་བ་མེད།། ཡང་ཏི་ཉི་ཟླའི་སྙིང་པོ་ལ།། ཞེ་འདོད་བྱ་རྩོལ་མི་བྱེད་དེ།། བྱར་མེད་ལྷུག་པར་བཞག་པས་ཆོག། མ་བཅོས
iiif viewer powered by OpenSeadragon
