| e-texts navigator |
| Wylie |
190b1 གྱི་རྒྱུད་ལས། སྤྱི་ཏིའི་ཐེག་པ་བསྟན་པའི་ལེའུ་སྟེ་དགུ་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། དེ་ལས་ཡང་ཏི་གང་གིས་འཕགས།། ཞེས་ཞུས་པས། སྟོན་པས་འཁོར་ལ
190b2 བཀའ་སྩལ་པ། ཨ་ཏི་ཏྲ་བྷྱོ་ཡ་ཐུ་ལ་དྷརྨྨ་དྷཱ་ཏུ། ཨ་ཨ་ཐ་ཐི། ཡང་ཏི་ཉི་ཟླའི་སྙིང་པོ་འདི།། ལྷ་སྒོམ་སྤྱོད་འབྲས་བསྒྲུབ་ཏུ་མེད།། གཏད་མེད་དམིགས་མེད་སོ་མ་བློ་ལས་གྲོལ།། སྣང་བ་ཐམས་ཅད་མིང་མེད་ཆེན་པོར
190b3 གྲོལ།། ཀ་དག་སྐྱེ་མེད་དངོས་པོའི་ཆོས་རྣམས་མེད།། སྠི་ཏི་ཉིད་ལ་གང་གིས་འཕགས་ཞེ་ན།། སྣང་བའི་རྣམ་པ་གང་ལ་ཡང་།། མིང་འདོགས་མེད་པར་ཐིག་ལེ་སྤྱི་བརྟོལ་ཡིན།། དག་དང་མ་དག་མེད་པར་གཏི་མུག
190b4 ཆེན་པོར་གྲོལ།། ཁམས་གསུམ་སྡུག་བསྔལ་མེད་པར་འདི་ཀ་ལྟ་བུར་གྲོལ།། སངས་རྒྱས་སེམས་ཅན་འགྲོ་དྲུག་གནས་མེད་པར།། བློས་བཏགས་མིང་འདོགས་མེད་པར་གྲོལ།། ཆོས་ཟད་བློ་སྟོར་མཚོན་བརྗོད
190b5 བསམ་ལས་འདས་པར་གྲོལ།། སརྦ་དྷརྨཱ་བྷྱོ་ཧ་ཟླ་ལ་མུ་ལ་ཨ།། ཅང་མེད་ཅིར་སྣང་མིང་མེད་ཆེན་པོར་གྲོལ།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད
190b6 ལས། རྫོགས་ཆེན་གཉའ་གཅོག་སྤྱི་ཏི་གོང་བརྒལ་ཡང་ཏི་བསྟན་པའི་ལེའུ་སྟེ་བཅུ་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། སྤྱི་འདས་བློ་བྲལ་བསྟན་པ་ལ།། བྱ་བཙལ་བློ
iiif viewer powered by OpenSeadragon
