| e-texts navigator |
| Wylie |
190a1 ཡོངས་རྫོགས་ལ།། ཞེས་གསུངས་སོ།། རྫོགས་ཆེན་ཡ་ཏིའི་ལྟ་བ་ནི།། ཆགས་ཞེན་ལ་སོགས་ཡུལ་གྱི་རྣམ་པ་རྣམས།། ཆོས་ཉིད་རོལ་པའི་སྣང་བར་འདོད།། སྟོང་གསུམ་འཇིག་རྟེན་དེ་རྣམས་ནི།། སྐྲ
190a2 གསུང་ཐུགས་ཀྱི་རོལ་པར་ཤར་བའོ།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། གསང་སྔགས་ཐེག་པའི་གྲུབ་མཐའ་ཕྱི་རྒྱུད་དང་ནང་རྒྱུད་བསྐྱེད
190a3 རྫོགས་གསུམ་བསྟན་པའི་ལེའུ་སྟེ་བརྒྱད་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། གོང་བརྒལ་སྠི་ཏི་ཇི་ལྟར་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།
190a4 ཨེ་མ་ཧོ་ངོ་མཚར་ཁྱད་པར་འཕགས།། ཐེག་པ་དགུ་རྩེ་སྤྱི་ཏི་ཡོ་ག་འདི།། གཞན་ནས་མི་རྙེད་རང་ལས་རྙེད།། ཐེག་མཆོག་ངོ་མཚར་ཁྱད་པར་ཅན།། རྫོགས་ཆེན་སྤྱི་ཏིའི་ལྟ་བ་ནི།། སྣང་སྲིད་འཁོར་འདས་མ་ལུས
190a5 པ།། ཀ་དག་རྟེན་མེད་ཆེན་པོར་གྲོལ།། ཡིན་མིན་རྩིས་གདབ་མེད་པའི་དགོངས་པ་ཤར།། བྱ་བཙལ་རྩོལ་སྒྲུབ་མེད་པ་རུ།། ཟང་ཀ་རྣལ་མར་གནས་པའོ།། སྐྱེ་མེད་དངོས་མེད་འབྲས་བུ་བློ་ལས་འདས།། ཨེ་མ་ངོ
190a6 མཚར་རྨད་བྱུང་ཆོས།། གཞན་ལས་མི་འབྱུང་ཨ་ལས་བྱུང་།། ཨ་ལ་ལ་ཧོ། མ་ལུས་རིལ་པོར་ཀ་དག་ཆེན་པོར་གྲོལ།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ
iiif viewer powered by OpenSeadragon
