| e-texts navigator |
| Wylie |
18b1 མ་རང་རྒྱུད་འཛིན།། དེ་ནི་འཁོར་བའི་རོལ་པ་ཡིན།། གང་ཞིག་རྣལ་འབྱོར་རྟོགས་ལྡན་ལ།། རྒྱན་དང་རོལ་པ་སྣ་ཚོགས་ཀུན།། སྒྱུ་མའི་དཔེ་བཞིན་སྣང་ཡང་རང་བཞིན་མེད།། ཆོས་ཉིད་ཆོས་སྐུ་མི་སྣང་རང་བཞིན
18b2 ཡོད།། ཡོད་པས་མེད་པར་རྟོགས་པས་མཚན་མ་ཟིལ་གྱིས་གནོན།། མེད་པས་ཡོད་པར་རྟོགས་པས་རིག་པ་རང་ས་ཟིན།། དེ་ཡི་ཆེད་དུ་རྒྱན་ཏི་ཀ་བཀོད་པ་བཞི་ལྡན་མཛེས།། ཀྱེ་ཀྱེ་གསང་བའི་བདག་པོ་རྒྱན་དང
18b3 རོལ་པ་གར་བྱུང་ཡང་།། ངས་དོན་གསལ་འདིར་སྨྲས་པ་བཞིན་དུ་ཤེས་པར་གྱིས། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རྒྱན་དང་རོལ་པ་བསྟན་པའི་ལེའུ་སྟེ་བཅུ་བཞི་པའོ།། །། དེ
18b4 ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེས་མཚོན་ཚིག་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ངས་བསྟན་རྒྱུད་ལུང་ཐམས་ཅད་དུ།། ཆོས་ཉིད་ངང
18b5 ལ་ཆོས་སྐུ་གནས།། དེ་སྐད་བརྗོད་པའི་ཚིག་བྱུང་ན།། ཆོས་ཉིད་ལ་ཆོས་སྐུ་རྒྱས་པར་བཤད།། རིག་པའི་མཚན་ཉིད་ལྔར་བཅད་ཅིང་།། དེ་ལྔ་ཡེ་ཤེས་ལྔ་ཡི་མཚན་ཉིད་དང་།། དེ་ཡི་གདངས་སུ་བརྗོད་པས་ན།། ཆོས
18b6 ཀྱི་སྐུ་ལ་ཡེ་ཤེས་བརྒྱན་པར་བཤད།། ཡེ་ཤེས་འོད་ལྔ་སྐུ་རུ་རྫོགས་ལུགས་དང་།། རིགས་དང་ཁ་དོག་དབྱིབས་བརྗོད་པ།། ཡེ་ཤེས་དག་ལ་ཐུགས་རྗེས་བརྒྱན་པར་བཤད།། རྩལ་དང་རོལ་པ་རྒྱན་དང་མཛད་སྤྱོད
iiif viewer powered by OpenSeadragon
