| e-texts navigator |
| Wylie |
18a1 བརྒྱན།། ཡོན་ཏན་འགག་པ་མེད་པར་མཛེས།། ཡེ་ཤེས་གསལ་ལ་ཐུགས་རྗེས་བརྒྱན།། འགྲོ་དྲུག་རང་སར་འདྲེན་པས་མཛེས།། དེ་ཕྱིར་མཛེས་པས་རྒྱན་ཞེས་བྱ།། དེ་ནས་རོལ་པའི་དོན་བསྟན
18a2 པ།། མ་འགགས་གཉིས་མེད་སྦྱོར་བ་ནི།། རོལ་པའི་ངོ་བོ་ཡིན་པར་བསྟན།། ཅི་ཕྱིར་རོལ་པར་བཏགས་ཤེ་ན།། རང་ལས་ཤར་ཞིང་རང་ལས་གྲོལ།། ངེས་ཚིག་གཏན་ཚིགས་བཅས་པ་ཡིན།། དབྱེ་ན་རྣམ་པ་གཉིས
18a3 ཡིན་ཏེ།། དག་པ་ཆོས་ཉིད་རོལ་པ་དང་།། འཁོར་བ་རང་རྒྱུད་རོལ་པའོ།། དག་པ་ཆོས་ཉིད་རོལ་པ་ནི།། མ་བཅོས་པ་ཡི་ཆོས་ཉིད་དང་།། མ་གཡོས་པ་ཡི་ངང་ཉིད་ལས།། རང་བཞིན་འགག་པ་མེད་པར
18a4 ཤར།། བག་དང་བྲལ་བའི་ནམ་མཁའ་ལ།། འབྱུང་བ་བཞི་ཡི་གདངས་ཤར་བཞིན།། སྣང་ལ་རང་བཞིན་མེད་པར་ཤེས།། མ་འགགས་རང་གདངས་ཆེན་པོར་གསལ།། འཁོར་བ་རང་རྒྱུད་རོལ་པ་ནི།། ཕྱི་ནང་སྣོད
18a5 བཅུད་བསྡུས་པའི་ཆོས།། གཟུགས་སུ་སྣང་བ་སྐུ་ཡིན་ཏེ།། ཆུ་ཟླ་ལྟ་བུར་གཟུང་དུ་མེད།། སྒྲ་སྐད་ཐམས་ཅད་གསུང་ཡིན་ཏེ།། བྲག་ཆ་བཞིན་དུ་རང་བཞིན་མེད།། དྲན་དང་རྟོག་པ་ཐུགས་ཡིན་ཏེ།། ཆུ་ལ་རི་མོ་བྲིས
18a6 པ་བཞིན།། འཛིན་པ་རང་རྒྱུད་ཡོད་མ་ཡིན།། དེ་ལྟར་གཟུགས་སྣང་ཐམས་ཅད་སྐུ་ཡི་རོལ་པ་ཡིན། སྒྲ་སྐད་ཐམས་ཅད་གསུང་གི་རོལ་པ་ཡིན།། དྲན་རྟོག་ཐམས་ཅད་ཐུགས་ཀྱི་རོལ་པ་ཡིན།། དེ་ལྟར་མ་ཤེས་མཚན
iiif viewer powered by OpenSeadragon
