| e-texts navigator |
| Wylie |
189a1 རྟེན་ཁམས་ནི་སེམས་ཙམ་མོ།། ཞེས་གསུངས་སོ།། སེམས་ཙམ་རྣམ་རྫུན་ལྟ་བ་ནི།། ཡུལ་གྱི་རྣམ་པ་མེད་པ་རུ།། རང་རིག་རྒྱུན་གྱི་རྟག་པར་འདོད།། སྔ་མ་སྔ་མས་རྒྱུ་བྱས་ནས།། ཕྱི་མ་ཕྱི་མ་འབྲས
189a2 བུར་འདོད།། དེ་ཡང་གཞུང་ལས་ཀྱང་།། ཤེས་པ་བདེན་ཏེ་རྣམ་པ་རྫུན།། མི་རྣམས་ལ་ནི་ཕྱི་རོལ་སྣང་།། འཇིག་རྟེན་པ་ལ་སེམས་ཙམ་མོ།། སེམས་ནི་ཡང་དག་དངོས་མ་ཡིན།། སེམས་ཙམ་དུ་ནི་ངས་བཤད
189a3 དོ།། ཞེས་གསུངས་སོ།། དབུ་མ་པ་ཡི་ལྟ་བ་ནི།། སེམས་ཙམ་སྤྱོད་པའི་དབུ་མ་དང་།། རྣལ་འབྱོར་སྤྱོད་པའི་དབུ་མའོ།། དེ་ཡང་རྣམ་པར་སྣང་བ་འདི་དག་ནི།། སྒྱུ་མར་འདོད་དང་རབ་ཏུ་མི་གནས་པ།། སྒྱུ་མ་ལྟ་བུའི
189a4 ལྟ་བ་ནི།། ཡུལ་གྱི་རྣམ་པ་མི་རྟག་མི་བདེན་སྒྱུ་མའི་ཚུལ།། ཆོས་རྣམས་རྨི་ལམ་ལྟ་བུ་ལ་སོགས་པ།། སྒྱུ་མའི་དཔེ་བརྒྱད་བཞིན་དུའོ།། རྣལ་འབྱོར་སྤྱོད་པའི་ལྟ་བ་ནི།། ཡུལ་གྱི་རྣམ་པ་གང་སྣང་ཡང་།། ཕྱོགས་ཆར
189a5 བཤིགས་པས་གཅིག་མ་གྲུབ།། གཅིག་མ་གྲུབ་པའི་གཏན་ཚིགས་ཀྱིས།། མཐའ་བཞི་བྲལ་ལོ་སྟོང་པར་གནས།། སྟོང་པ་བཅོ་བརྒྱད་སྤྲོས་པའི་མཐའ་བརྒྱད་འདས།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད
189a6 འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། མཚན་ཉིད་སྡེ་གསུམ་གྱི་གྲུབ་མཐའ་བསྟན་པའི་ལེའུ་སྟེ་བདུན་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། ཕྱི
iiif viewer powered by OpenSeadragon
