| e-texts navigator |
| Wylie |
188a1 པོར་བཤད།། གཏི་མུག་ཀ་དག་ཆེན་པོར་བཤད།། རྣམ་རྟོག་ཆོས་ཉིད་ཆེན་པོར་བཤད།། མཚན་མའི་ཆོས་རྣམས་གཟིགས་མོར་བཤད།། བྱ་བཙལ་མེད་པའི་ཆོས་སུ་བཤད།། རྩོལ་སྒྲུབ་མེད་པའི་ཆོས
188a2 སུ་བཤད།། ཞེ་འདོད་མེད་པའི་ཆོས་སུ་བཤད།། ལྟ་སྒོམ་སྤྱོད་འབྲས་མེད་པའི་ཆོས་སུ་བཤད།། དངོས་གྲུབ་ཡིད་སྨོན་མེད་པའི་ཆོས་སུ་བཤད།། སྐུ་དང་ཡེ་ཤེས་རང་ལ་ཚང་བའི་ཆོས་སུ་བཤད།། བློ་ཟད་གྲུབ
188a3 མཐའ་སྟོངས་པའི་ཆོས་སུ་བཤད།། མཚོན་བརྗོད་དམིགས་ལས་འདས་པའི་ཆོས་སུ་བཤད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། བློ
188a4 འདས་བཤད་ཐབས་བསྟན་པའི་ལེའུ་སྟེ་དྲུག་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། ཉི་ཟླའི་སྙིང་པོ་ཡང་ཏི་ཡོ་ག་ལ།། གྲུབ་མཐའི་བློས་བཏགས་ཡོད་དམ་མེད།། ཅེས
188a5 ཞུས་པས། སྟོན་པས་འཁོར་ལ་བཀའ་སྩལ་པ།། གྲུབ་མཐའི་བློས་བཏགས་བློ་ཡི་ཡུལ།། བློ་ཡི་ཡུལ་ལ་ངེས་པ་མེད།། བློ་ཡུལ་མ་ཟད་སངས་མི་རྒྱ།། དེ་ཕྱིར་ཡང་ཏི་ཉི་ཟླའི་སྙིང་པོའི་རྟོགས་པ་ལ།། ཐེག་པ་དགུ་ཡི
188a6 ཆོས་མི་དགོས།། འོན་ཀྱང་ཡང་ཏི་མ་རྟོགས་གང་ཟག་ལ།། ཐེག་པ་དགུ་ཡི་ལྷ་བསྒོམ་བསྟན།། མུ་སྟེགས་ཉན་ཐོས་རང་རྒྱལ་དང་།། སེམས་ཙམ་དབུ་མ་བྱང་སེམས་དང་།། ཀྲི་ཡཱ་ཡོ་ག་ཨུ་པ་ཡ།། མ་ཧཱ་ཨ་ནུ་ཨ་ཏི
iiif viewer powered by OpenSeadragon
