| e-texts navigator |
| Wylie |
187b1 བཤད།། ཅིའི་ཕྱིར་ཞེ་ན་ཆོས་རྣམས་ཀུན་གྱི་རྩ་བའི་རྒྱུད་སྡེ་ཡིན།། ཐེག་པ་ཀུན་གྱི་སྤྱི་ཕུད་རྩེ་རྒྱལ་ཡིན།། བརྒྱད་ཁྲི་བཞི་སྟོང་གསལ་བར་སྟོན་པའི་ཉི་ཟླ་ཡིན།། ཐེག་པ་ཀུན་གྱི་གཏེར་མཛོད་ལྡེ་མིག
187b2 ཡིན།། བཏགས་ཆག་ཀུན་གྱི་ཞིང་ས་ཡིན།། ཐམས་ཅད་བསྐྱེད་པའི་ཡབ་ཡུམ་མཁའ་ཀློང་བྷ་ག་ཡིན། ཀུན་གྱི་ས་བོན་གཞི་མ་རྩ་བ་ཡིན།། ཀུན་གྱི་རྩ་བ་གཅིག་རྟོགས་པས།། ཀུན་ལ་དབང་བསྒྱུར་ཐོབ་པ
187b3 ཡིན།། ཡང་ཏི་འདི་ཡིས་ཆོས་རྣམས་གཏན་ལ་ཕེབས་པའི་ཕྱིར།། བསྟན་པའི་ཡང་སྙིང་འདི་ཐོས་པས།། འདི་ཐོས་གང་ཞིག་ཐོས་པའི་མཆོག། དཔེར་ན་མཆོག་རབ་རྩེ་ནས་རི[:]བྲན་ཐམས་ཅད
187b4 གསལ།། འབྱུང་ཆེན་ནམ་མཁར་འབྱུང་བ་ཐམས་ཅད་གསལ།། གནམ་ས་གཉིས་སུ་སྐྱེ་འགྲོ་ཐམས་ཅད་གསལ།། ཟ་འོག་སྣམ་བུར་དང་སྣ་སྣ་ཚོགས་གསལ།། བསམ་འཕེལ་ནོར་བུར་རིན་ཆེན་སྣ་ཚོགས
187b5 གསལ།། དཀྱིལ་འཁོར་ཆེན་པོར་ས་ཚོན་རྣམ་ལྔ་གསལ།། ཕྱི་ཡི་རྒྱ་མཚོར་ཆུ་བྲན་སྣ་ཚོགས་གསལ།། དེ་བཞིན་ཆོས་ཀུན་རྩ་རྒུད་ཉི་ཟླའི་སྙིང་པོར་གནས།། སེམས་ཀྱི་བཏགས་པའི་ཆོས་རྣམས་རིལ་པོར
187b6 གསལ།། ཨ་ཧོ་ང་ཡི་བཀའ་ཆེན་འདི་ལྟ་བུ།། གཞན་ནས་མི་འབྱུང་ཨ་ལ་ལ།། རང་བྱུང་ངོ་མཚར་ཁྱད་པར་ཅན།། དུག་གསུམ་སྐུ་གསུམ་ཡིན་པར་བཤད།། དུག་ལྔ་སྐུ་ལྔ་ཡིན་པར་བཤད།། མ་རིག་འོད་གསལ་ཆེན
iiif viewer powered by OpenSeadragon
