| e-texts navigator |
| Wylie |
186b1 རྟོགས་གཉིས་མེད་དབྱེར་མི་ཕྱེད།། སངས་རྒྱས་སེམས་ཅན་གཉིས་མེད་དབྱེར་མི་ཕྱེད།། འཁོར་བ་མྱང་འདས་གཉིས་མེད་དབྱེར་མི་ཕྱེད།། སངས་རྒྱས་འགྲོ་དྲུག་གཉིས་མེད་དབྱེར་མི་ཕྱེད།། སྣང་སྲིད་སྣོད་བཅུད
186b2 གཉིས་མེད་དབྱེར་མི་ཕྱེད།། དུག་ལྔ་སྐུ་ལྔ་གཉིས་མེད་དབྱེར་མི་ཕྱེད།། དུག་གསུམ་སྐུ་གསུམ་གཉིས་མེད་དབྱེར་མི་ཕྱེད།། རྣམ་རྟོག་ཆོས་ཉིད་གཉིས་མེད་དབྱེར་མི་ཕྱེད།། ཉོན་མོངས་བརྒྱད་ཁྲི་བཞི་སྟོང
186b3 དང་།། ཆོས་སྡེ་བརྒྱད་ཁྲི་བཞི་སྟོང་གཉིས་སུ་མེད།། ཕྱི་ནང་ཡུལ་སེམས་དབྱེ་བ་གཉིས་སུ་མེད།། གཟུགས་ལྔ་སྐུ་ལྔ་གཉིས་མེད་དབྱེ་རུ་མེད།། དབང་ལྔ་ཡུལ་ལྔ་དབྱེར་མེད་གཉིས་སུ་མེད།། སྒོ་ལྔ་གཟུགས་ལྔ་དབྱེར
186b4 མེད་གཉིས་སུ་མེད།། ཡིད་ལྔ་གསལ་དབང་དམིགས་འཛིན་གཉིས་སུ་མེད།། རིག་སེམས་མིང་འདོགས་ཉོན་མོངས་གཉིས་སུ་མེད།། འགྱུ་དྲན་གློ་རྟོག་འཛིན་ཞེན་གཉིས་སུ་མེད།། ཅི་ལ་སྤྱོད་ཀྱང་མ་ཞེན་མ
186b5 ཆགས་གཉིས་སུ་མེད།། སྡུག་བསྔལ་བདེ་བ་གཉིས་སུ་དབྱེ་རུ་མེད།། བཟང་ངན་སྤང་ལེན་དབྱེར་མེད་གཉིས་སུ་མེད།། ཡིན་མིན་དབྱེ་བསལ་དབྱེར་མེད་གཉིས་སུ་མེད།། དགྲ་གཉེན་ཕྱོགས་རིས་གཉིས་མེད་དབྱེ
186b6 རུ་མེད།། ཕྱི་ནང་ཡུལ་སེམས་དགག་སྒྲུབ་གཉིས་སུ་མེད།། དཔེར་ན་རྒྱ་མཚོ་ཆེན་པོ་རུ།། ཆུ་བྲན་འདི་ཡིན་འདི་མིན་དབྱེར་མི་ཕྱེད།། དེ་བཞིན་སེམས་ཀྱིས་བརྟགས་པའི་ཆོས་རྣམས་ཀུན།། སྙིང་པོའི་ཀློང་དུ་ཐིམ
iiif viewer powered by OpenSeadragon
