| e-texts navigator |
| Wylie |
186a1 ལུས་ཀུན།། མ་བཅིངས་མ་གྲོལ་སྙིང་པོའི་ཀློང་དུ་གྲོལ།། དཔེར་ན་རྔ་མའི་མདུད་པ་བཞིན།། མཚན་མ་སྣ་ཚོགས་རང་གྲོལ་ཉིད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང
186a2 རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། སྙིང་པོའི་ཀློང་དུ་འོད་གསལ་གྲོལ་བར་བསྟན་པའི་ལེའུ་སྟེ་བཞི་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། སྙིང་པོའི་ཡན་ལག
186a3 གཉིས་མེད་ཇི་ལྟར་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཆོས་ཉིད་མཁའ་ཀློང་སྙིང་པོའི་ཀློང་དཀྱིལ་དུ།། འོད་གསལ་རྩལ་ཟེར་ཡན་ལག་མ་ལུས་ཐིམ།། སྙིང་པོ་རྩལ་ཟེར་གཉིས
186a4 མེད་ཐོག་མར་ཡེ་སངས་རྒྱས།། བྱ་བཙལ་རྩོལ་བས་མ་བསྒྲུབས་པར།། མཁའ་ལ་འཇའ་ཚོན་ཐིམ་པ་འདྲ།། ནམ་མཁར་ཆོ་འཕྲུལ་ཐིམ་པ་དང་།། འོ་མ་ཆུ་དང་འདྲེས་པ་དབྱེར་མི་ཕྱེད།། དེ་བཞིན་གཞི་རླུང་གཉིས་སུ
186a5 འདྲེས་པ་དབྱེར་མི་ཕྱེད།། རླུང་ལྔ་འབྱུང་ལྔ་གཉིས་མེད་དབྱེར་མི་ཕྱེད།། འོད་ལྔ་ཟེར་ལྔ་གཉིས་མེད་དབྱེར་མི་ཕྱེད།། ཤེས་པ་སྣང་ཚུལ་འགྱུ་མེད་དབྱེར་མི་ཕྱེད།། རང་བཞིན་ངོ་བོ་ཐུགས་རྗེ་དབྱེར་མི་ཕྱེད།། དུས
186a6 གསུམ་སྐུ་གསུམ་གཉིས་མེད་དབྱེར་མི་ཕྱེད།། ཡིད་འཁོར་འཁྲུལ་འཁོར་གཉིས་མེད་དབྱེར་མི་ཕྱེད།། མ་རིག་ཡེ་ཤེས་གཉིས་མེད་དབྱེར་མི་ཕྱེད།། འཁྲུལ་དང་མ་འཁྲུལ་གཉིས་མེད་དབྱེར་མི་ཕྱེད།། རྟོགས་དང་མ
iiif viewer powered by OpenSeadragon
