| e-texts navigator |
| Wylie |
185a1 ང་ཡི་རྩལ་དུ་ཤར།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། འོད་གསལ་རྩལ་དང་ཡན་ལག་བསྟན་པའི་ལེའུ་སྟེ་གསུམ
185a2 པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། སྙིང་པོའི་ཀློང་དུ་འོད་གསལ་ཇི་ལྟར་གྲོལ།། ཞུས་པས། སྟོན་པས་འཁོར་ལ་བཀའ་སྩལ་པ།། མཁའ་ཀློང་རྣམ་དག་ཆོས་དབྱིངས
185a3 སྙིང་པོ་རུ།། གཞི་རླུང་འོད་ལྔ་སྙིང་པོའི་ཀློང་དུ་ཐིམ།། རྩལ་ལྔ་ཟེར་ལྔ་སྙིང་པོའི་ཀློང་དུ་གྲོལ།། སྟོང་གསལ་འོད་འབར་སྙིང་པོའི་ཀློང་དུ་གྲོལ།། ཤེས་རིག་དྲན་པ་སྙིང་པོའི་ཀློང་དུ་གྲོལ།། རང་བཞིན་ངོ་བོ་སྙིང་པོའི
185a4 ཀློསློང་དུ་གྲོལ།། མ་རིག་ཡེ་ཤེས་སྙིང་པོའི་ཀློང་དུ་གྲོལ།། འཆར་སྒོ་འཁྲུལ་སྒོ་སྙིང་པོའི་ཀློང་དུ་གྲོལ།། གཏི་མུག་མ་སྤངས་མི་གནས་ཀློང་དུ་གྲོལ།། མ་རིག་མ་སྤངས་མི་གནས་ཀློང་དུ་གྲོལ།། སྒྲིབ་གཡོགས་མ་སྤངས
185a5 མི་གནས་ཀློང་དུ་གྲོལ།། འགྲོ་དྲུག་མ་སྤངས་མི་གནས་ཀློང་དུ་གྲོལ།། སྣང་སྲིད་སྣོད་བཅུད་སྙིང་པོའི་ཀློང་དུ་གྲོལ།། འཁོར་དང་མྱ་འདས་སྙིང་པོའི་ཀློང་དུ་གྲོལ།། བདེ་དང་སྡུག་བསྔལ་སྙིང་པོའི་ཀློང་དུ
185a6 གྲོལ།། བཟང་ངན་སྤང་ལེན་སྙིང་པོའི་ཀློང་དུ་གྲོལ།། ཡིན་མིན་དབྱེ་བསལ་སྙིང་པོའི་ཀློང་དུ་གྲོལ།། དགྲ་གཉེན་ཕྱོགས་རིས་སྙིང་པོའི་ཀློང་དུ་གྲོལ།། རྟག་ཆད་གཟུང་འཛིན་སྙིང་པོའི་ཀློང་དུ་གྲོལ།། རིག་ཚད་འགྱུར།
iiif viewer powered by OpenSeadragon
