| e-texts navigator |
| Wylie |
184a1 པོར་གྲོལ།། སེམས་ཅན་མ་སྤངས་སངས་རྒྱས་བསྒྲུབ་མེད་ཆེན་པོར་གྲོལ།། འཁོར་བ་མ་སྤངས་མྱང་འདས་ཆེན་པོར་གྲོལ།། སྣང་བ་མ་སྤངས་ཞིང་ཁམས་ཆེན་པོར་གྲོལ།། སྡུག་བསྔལ་མ་སྤངས་བརྡ
184a2 བ་ཆེན་པོར་གྲོལ།། ཕྱི་ནང་མ་སྤངས་ཡུལ་སེམས་གཉིས་མེད་གྲོལ།། བཟང་ངན་མ་སྤངས་དགག་སྒྲུབ་མེད་པར་གྲོལ།། གཟུང་འཛིན་མ་སྤངས་དབྱེ་བསལ་མེད་པར་གྲོལ།། དངོས་པོ་གཤིས་ཀྱི་གནས་ལུགས
184a3 ནི།། ཡེ་ནས་སྐྱེ་མེད་ཆེན་པོར་གནས།། དུས་གསུམ་སྐྱེ་བར་མ་གསུངས་སོ།། ཀ་དག་ཆེན་པོར་ཡེ་ནས་གནས།། བློ་བུར་སྒྲིབ་གཡོགས་མ་གསུངས་སོ།། གཉིས་མེད་ཆེན་པོར་ཡེ་ནས་གནས།། གཉིས་འཛིན་རྟོག
184a4 པར་མ་གསུངས་སོ།། རྒྱུ་རྐྱེན་མེད་པར་ཡེ་ནས་གནས།། ཐོག་མཐའ་ཡོད་པར་མ་གསུངས་སོ།། གཉེན་པོས་བཅོས་བསྒྱུར་མེད་པར་གནས།། རྩོལ་བས་འགྲུབ་པར་མ་གསུངས་སོ།། དངོས་མེད་ཆེན་པོར་ཡེ་ནས
184a5 གྲོལ།། ཟང་ཐལ་ཆེན་པོར་ཡེ་ནས་གྲོལ།། སྤྱི་ཕུད་ཟོད་རྒལ་ཆེན་པོར་གནས།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། དངོས་པོ་གཉིས་ཀྱི
184a6 གནས་ལུགས་བསྟན་པའི་ལེའུ་སྟེ་གཉིས་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། འོད་གསལ་རྩལ་གྱི་ཡན་ལག་ཇི་ལྟར་ཤར།། ཞུས་པས། སྟོན་པས་འཁོར་ལ་བཀའ་སྩལ
iiif viewer powered by OpenSeadragon
