| e-texts navigator |
| Wylie |
183b1 ཚིག་ཉི་ཤུ་རྩ་གཅིག་གི་གླེང་སློང་བསྟན་པའི་ལེའུ་སྟེ་དང་པོའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། དངོས་པོ་གཤིས་ཀྱི་གནས་ལུགས་ཇི་ལྟར་གནས།། ཞུས་པས། སྟོན་པའི
183b2 རྒྱལ་པོ་སྐྱེ་མེད་ཀ་དག་གིས།། འཁོར་གྱི་དམ་པ་གསལ་དག་རིན་ཆེན་ལ།། རྫོགས་ཆེན་རྒྱལ་པོ་ཉི་ཟླའི་སྙིང་པོ་བཤད།། འཁོར་རྣམས་མ་ཡེངས་གུས་པས་ཉོན།། དོན་དམ་མཚོན་དང་བརྗོད་ལས་འདས་མོད
183b3 ཀྱང་།། རྩལ་གྱི་རིག་པ་བློ་དང་སྦྱར་ནས་བསྟན།། དཔེར་ན་མུན་ནག་རྫས་སྟོར་ལ།། ལག་ནོམ་རྩལ་བའི་རྙེད་པར་དཀའ།། སྣང་གསལ་སྒྲོན་མེ་ལ་བརྟེན་ནས།། བཙལ་བས་རྙེད་པར་ཐེ་ཚོམ་མེད།། དེ་བཞིན་མ
183b4 རིག་མུན་ནག་ཏུ།། ཆོས་ཉིད་ནོར་བུ་སྟོར་བ་དེ།། ཐ་སྙད་ཚིག་གི་རྙེད་པར་དཀའ།། མ་ནོར་བླ་མའི་ཞལ་དྲན་གྱིས།། རིན་ཆེན་བརྡ་ཡིས་རྙེད་པར་འགྱུར།། ཨ་ལ་ལ་ཧོ་ངོ་མཚར་ཆེ་བའི་བཀའ།། དངོས་པོ་གཤིས་ཀྱི
183b5 གནས་ལུགས་ནི།། གཏི་མུག་ཆོས་སྐུར་ཡེ་ནས་གནས།། ཞེ་སྡང་ལོངས་སྐུར་ཡེ་ནས་གནས།། འདོད་ཆགས་སྤྲུལ་པའི་སྐུ་རུ་གནས།། ང་རྒྱལ་སྐུ་གསུམ་དབྱེར་མེད་ཡིན།། ཕྲག་དོག་དོན་དམ་བདེ་བའི་སྐུ།། སྡུག
183b6 བསྔལ་མ་སྤངས་སྐུ་ལྔར་གྲོལ།། དུག་གསུམ་མ་སྤངས་སྐུ་གསུང་ཐུགས་སུ་གྲོལ།། མ་རིག་མ་སྤངས་ཡེ་ཤེས་ཆེན་པོར་གྲོལ།། སྒྲིབ་གཡོགས་མ་སྤངས་འོད་གསལ་ཆེན་པོར་གྲོལ།། རྣམ་རྟོག་མ་སྤངས་ཆོས་ཉིད་ཆེན
iiif viewer powered by OpenSeadragon
