| e-texts navigator |
| Wylie |
183a1 ལྟར་ན།། དངོས་པོ་གཤིས་ཀྱི་གནས་ལུགས་ཇི་ལྟར་གནས།། འོད་གསལ་རྩལ་གྱི་ཡན་ལག་ཇི་ལྟར་ཤར།། སྙིང་པོའི་ཀློང་དུ་འོད་གསལ་ཇི་ལྟར་གྲོལ།། དེ་གཉིས་དབྱེར་མེད་གདམས་ངག་ཇི་ལྟར
183a2 ལགས།། ཐོད་རྒལ་ཐེག་པ་ཇི་ལྟར་བཤད།། ཉི་ཟླའི་སྙིང་པོ་སྤྱི་ཏི་ཡོ་ག་ལ།། གྲུབ་མཐའི་བློས་བཏགས་ཡོད་དམ་མེད།། རྩིས་གདབ་བློ་བྲལ་བསྟན་པ་ལ།། བྱ་བཙལ་བློ་ཆོས་མི་འཚལ་ལམ།། རྩོལ་སྒྲུབ་འདས
183a3 པའི་ཐེག་པ་ལ།། ལྟ་སྒོམ་སྤྱོད་འབྲས་དགོས་མི་དགོས།། ཐེག་དགུ་སྤང་ངམ་ཇི་ལྟ་བགྱི།། དཀྱིལ་འཁོར་དབང་དང་དངོས་གྲུབ་ལ།། རེ་བར་བྱ་བའམ་ཡེ་ནས་རྫོགས།། ཚོགས་དང་གཏོར་མ་མ་བཏང་བར།། ཚོགས
183a4 བསགས་སྨོན་ལམ་ཇི་ལྟར་རྫོགས།། ཉི་ཟླའི་སྙིང་པོ་སྤྱི་ཏི་ཡོ་ག་ལ།། གོལ་སྒྲིབ་འཁྲུལ་པ་ཡོད་དམ་མེད།། མ་རིག་ཡེ་ཤེས་ཡོད་དམ་མེད།། འཆར་སྒོ་འཁྲུལ་པ་ཅི་ལ་ཟེར།། རྟོགས་དང་མ་རྟོགས་ཡོད་དམ
183a5 མེད།། སངས་རྒྱས་སེམས་ཅན་ཅི་ལ་ཟེར།། དགེ་སྡིག་ལས་འཕྲོ་ཡོད་དམ་མེད།། མཐོ་རིས་ངན་སོང་ཅི་ལ་ཟེར།། རྫོགས་ཆེན་སྠི་ཏི་ཡོ་ག་ཡིས།། མ་བསྒྲུབས་འབྲས་བུ་ཇི་ལྟར་ཐོབ།། ཞུས་ཚིག་ཉི་ཤུ་རྩ་གཅིག
183a6 དེ།། སྟོན་པས་འཁོར་ལ་བཀའ་སྩོལ་ཅིག། ཤིན་ཏུ་ཟབ་པར་གསུང་དུ་གསོལ།། ཞེས་ཞུས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། ཕུན་སུམ་ཚོགས་པ་དང་ཞུས
iiif viewer powered by OpenSeadragon
