| e-texts navigator |
| Wylie |
182b1 སྦྱར།། ཁོང་ནས་ཡིད་ཀྱི་འགྲུ་བ་ལ།། འགྲུ་བས་འགྱུ་བའི་དུས་ཚོད་དུ།། བདེ་གསལ་ཉིད་དུ་ལྷང་ངེ་བལྟ།། དེ་ནི་ཐིག་ལེ་ནང་བརྡོལ་ཡིན།། གཉིས་སུ་མེད་པའི་ཡེ་ཤེས་ལ།། རྒྱུ་དང་རྐྱེན་གྱིས་མ་སྐྱེད་པར།། རང
182b2 བཞིན་ཉིད་དུ་ཤེས་པ་གསལ།། དེ་ནི་ཕྱི་བརྡོལ་ནང་བརྡོལ་ཡིན།། ཞེས་གསུངས་སོ།། ཡང་བཀའ་སྩལ་པ། རིག་པ་གནད་ཀྱི་ངོས་བཟུང་དང་།། བདེ་སྟོང་ཉིད་དུ་ཅུར་ཀྱིས་དབྱུང་།། བདེ་བ་ཉིད་ལ་ལྟ་སྟངས
182b3 བྱ།། འོད་གསལ་ཉིད་དུ་སྟོངས་ཀྱིས་འབྱུང་།། ཞེས་གསུངས་སོ།། ཐིག་ལེ་མཐོང་བ་རྡོལ་གྱི་རྒྱུད། རིག་པ་ཅུར་འབྱིན་གྱི་བརྡའ། སྲོག་གི་ཚན་པ། ཡང་ཏི་ནག་པོའི་རྒྱུད་རྫོགས་སོ།། །། རྒྱ་གར་སྐད་དུ།། ཏནྟ་གྲ
182b4 རཱ་ཛ་སཱུཪྻ་ཙནྡ་པྲ་དྷ་ཙཱ་ལ་ཨཱ་ཀ་ཤཱ་བནྡྷ་བི་ཤུདྡྷ་ས་མུ་དྲཱ་བརྟྟ་པྲ་ཀ་ཊ་ཏནྟྲ་ནཱ་མ། བོད་སྐད་དུ། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ཅེས་བྱ་བ། སྔོན་ཐོག་མའི་སངས་རྒྱས
182b5 སྐྱེ་མེད་ཀ་དག་ལ་ཕྱག་འཚལ་ལོ།། འདི་སྐད་བདག་གིས་ཅི་ཡང་མ་ཟོས་པ་གང་དུ་ཡང་མཚོན་བརྗོད་ལས་འདས་པའི་དུས་མེད་པ་ན། བཀོལ་མེད་གནས་སུ་ཀ་དག་སྟོན་པ་དེས།། འོད་གསལ་འཁོར་ལ་སྐྱེ་མེད
182b6 བསྟན་པ་བཤད།། དུས་ནི་དུས་གསུམ་གཅིག་སྟེ་སྔ་ཕྱི་མེད་པའི་དུས།། སྡུད་པ་པོ་ནི་གསལ་དག་རིན་པོ་ཆེའོ།། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། ཕུན་སུམ་ཚོགས་པའི་དོན་ནི་དེ
iiif viewer powered by OpenSeadragon
