| e-texts navigator |
| Wylie |
182a1 རྫོགས་སོ།། །། བཅོམ་ལྡན་ཀུན་ཏུ་བཟང་པོ་ཡི།། ལྷུན་གྲུབ་སྒྲ་ལ་ཕྱག་བཙལ་ནས།། ཐིག་ལེ་མཐོང་བརྡོལ་རྒུད་གསུངས་པ།། སྟོན་པ་ཀུན་ཏུ་བཟང་པོ་ཡིས།། གནས་ནི་ཐིག་ལེ་མཁའ་ཁྱབ
182a2 ཏུ།། འཁོར་ནི་རང་བྱུང་ཡེ་ཤེས་ལ།། དུས་ནི་ཐམས་ཅད་རང་བྱུང་དུས།། བསྟན་ནི་གཉིས་མེད་ཐིག་ལེའོ།། ཞེས་གསུངས་སོ།། ཀུན་ཏུ་བཟང་པོས་བཀའ་སྩལ་པ།། འཁོར་གྱི་རྡོ་རྗེ་སེམས་དཔའ་ཁྱོད།། ཐིག་ལེ
182a3 མཐོང་བརྡོལ་རིག་པའི་འཁོར་ལོ་བསྐོར།། ཕུར་བུ་ཆེན་པོ་ཐོབ་ལ་སྒྲོལ།། སྲིད་གསུམ་དབང་དུ་བསྡུས་ལ་སྦྱོར་སྒྲོལ་གྱིས།། ཞེས་གསུངས་སོ།། ཡང་བཀའ་སྩལ་པ། རིག་པ་འགགས་པ་མེད་པ་ལ།། ཤེས་རབ
182a4 འགགས་པ་མེད་པ་ཡིས།། སྣང་སྲིད་བྱུང་ཐོབ་སྲོག་གི་རྩ་བ་ཆོད།། ཐུགས་ཀྱི་རེག་ཆོད་སྤུ་གྲི་ཚོ།། འཛིན་མེད་ཞགས་པ་ཆོད་ལ་ཐོང་།། ཞེས་གསུངས་སོ།། ཡང་བཀའ་སྩལ་པ། ཐིག་ལེ་མཐོང་ནས་བརྡོལ་བ
182a5 ནི།། ཙིཏྟའི་ནང་དུ་རབ་བརྟགས་པས།། རིག་པ་སྟོང་པར་གསལ་བ་ནི།། དེ་ནི་ཐིག་ལེ་སྤྱི་བརྡོལ་ཡིན།། ཉམས་མྱོང་འདྲེས་པའི་བདེ་གསལ་ནི།། དེ་ནི་ཐིག་ལེ་ནང་བརྡོལ་ཡིན།། ཞེས་གསུངས་སོ།། ཡང་བཀའ
182a6 སྩལ་པ། ཐིག་ལེ་མཐོང་ནས་མ་བརྡོལ་ན།། རིག་པའི་གནད་དུ་བརྡེག་པར་བྱ།། ཚོགས་དྲུག་རོལ་བ་ཧར་སངས་ལ།། རིག་པའི་བདེ་བ་རང་ཤར་ལྟོས།། འདི་ནི་ཐིག་ལེ་ནང་བརྡོལ་ཡིན།། དཀར་པོའི་དུས་སུ་རབ་ཏུ
iiif viewer powered by OpenSeadragon
