| e-texts navigator |
| Wylie |
181b1 ལ།། ཐམས་ཅད་གྲོལ་ཡང་རང་གྲོལ་ལས།། འབྲས་བུ་ཐོབ་པའི་ས་མེད་དེ།། དཔེར་ན་རྒྱ་མཚོའི་ཉ་མོ་བཞིན།། གར་ཕྱིན་རྒྱ་མཚོའི་ནང་དུ་གནས།། ལྷུན་གྱིས་གྲུབ་པས་ཐོབ་པ་མེད།། པད་མ་ནོར་བུ་རིན་པོ
181b2 ཆེ།། ཐམས་ཅད་གཅིག་ལས་རང་བྱུང་བས།། དེ་ནི་ལྷུན་གྲུབ་ཆོས་སྐུའོ།། དབང་པོ་རབ་ཀྱི་ཆོས་ཡིན་ཏེ།། འབྲིང་དང་ཐ་མ་འཁྱམས་པར་མཆིའོ།། རྫོགས་ཆེན་གནད་དུ་མ་ཕེབས་པར།། ཆོས་སྤྱོད་གང་དགར་བཏང
181b3 བ་ནི།། དེ་ནི་རྫོགས་ཆེན་རྒྱུན་ཆད་ཡིན།། རྫོགས་ཆེན་རྟག་ཅིང་མ་ཆད་པར།། དགེ་སྡིག་འཆོལ་བར་སྤྱོད་པ་ནི།། དེ་ནི་རྫོགས་ཆེན་དྲང་ཟད་ཡིན།། རྫོགས་ཆེན་རྒྱུད་ལ་མ་ཐེབས་པར།། ཐོས་བསམ་བསྒོམ་སྒྲུབ་མི
181b4 བྱེད་པ།། དེ་ནི་རྫོགས་ཆེན་ཕྱལ་པ་ཡིན།། ཡེ་ཤེས་གནད་དུ་མི་འཛིན་པར།། སེམས་འཛིན་ཕྲ་མོ་བརྩམ་པ་ནི།། དེ་ནི་སྒྲོན་མའི་ཡིད་སྨོན་ཡིན།། སེམས་འཛིན་གཅིག་ལ་ཡིད་འཆའ་བ།། དེ་ནི་ལོང་བའི་ལམ་སྣ
181b5 ཡིན།། གདམས་ངག་ཕྱོགས་རེ་མ་རྫོགས་པར།། རྒན་མོ་མཛུབ་ཚུགས་བསྒོམ་པ་ནི།། དམ་པར་ཞེན་པའི་བསྒོམ་པ་ཡིན།། ཞེ་འདོད་གཅིག་ལ་རྟེན་འཆའ་བས།། རྒད་པོ་མཁར་ཐོགས་བསྒོམ་པ་ནི།། དེ་ནི་ལོང་བའི
181b6 ལམ་རྒྱུས་ཡིན།། བདེ་བའི་ཉམས་མྱོང་ལ་བརྟེན་ནས།། གཞོན་པ་བདེ་བ་བསྒོམ་པ་ནི།། དེ་ནི་གཞོན་པའི་རྨི་ལམ་ཡིན།། ཞེས་གསུངས་སོ། ཀུན་ཏུ་བཟང་པོ་སྲོག་གི་ཐིགས་པ། འབྲས་བུ་ཡེ་གྲོལ་ཆེན་པོའི་རྒྱུད
iiif viewer powered by OpenSeadragon
