| e-texts navigator |
| Wylie |
181a1 པ།། ཡེ་བཞེངས་ཆེན་པོ་ཞེས་ཀྱང་བྱ།། གཞི་བཞག་ཆེན་པོ་ཞེས་ཀྱང་བྱ།། ཡེ་གྲོལ་ཆེན་པོ་ཞེས་ཀྱང་བྱ།། ཡང་ཏི་ནག་པོ་ཞེས་ཀྱང་བྱ།། གསེར་གྱི་འབྲུ་གཅིག་ཞེས་ཀྱང་བྱ།། ཐིག་ལེའི་ངང་དུ་ཤར་བ
181a2 ཡི།། ཐབས་དང་ཤེས་རབ་ཀྱི་རྒྱུད།། སྲོག་གི་ཐིགས་པ། བདུད་རྩིའི་བུམ་པ། སྣང་བྱེད་སྤུ་གྲིའི་རྒྱུད་རྫོགས་སོ།། །། བཅོམ་ལྡན་ཀུན་ཏུ་བཟང་པོ་ཡིས།། འཁོར་གྱི་རྡོ་རྗེ་སེམས་དཔའ་ལ།། ཕྱི་ནང་མེད་པའི
181a3 ཆོས་དབྱིངས་སུ།། འབྲས་བུ་ཐོབ་པ་མེད་པའི་དུས།། ཐམས་ཅད་ཡེ་གྲོལ་བསྟན་པ་ལ།། ཡང་ཏི་ནག་པོའི་འབྲུ་གཅིག་ཤར།། བྱིན་གྱི་རླབས་ཀྱིས་བྱུང་བ་ཡི།། འབྲས་བུ་ཡེ་གྲོལ་ཆེན་པོའི་རྒྱུད་ལས།། ངང་ལ་ཤུགས
181a4 ཀྱིས་ཤར་བའོ།། འབྲས་བུ་ལ་ཡང་རྣམ་བཞི་སྟེ།། ཕྱི་ཡི་འབྲས་བུ་བསྟན་པ་དང་།། ནང་གི་འབྲས་བུ་བསྟན་པ་དང་།། གསང་བའི་འབྲས་བུ་བསྟན་པའོ།། ཕྱི་ཡི་འབྲས་བུ་བསྟན་པ་ནི།། ཕྱི་ཡི་འབྱུང་བ་ལྔ་པོ་ཡེ་ཤེས
181a5 ལྔ།། ནང་གི་འབྲས་བུ་བསྟན་པ་ནི།། རྟགས་ཀྱི་ཡེ་ཤེས་ཚོན་གང་ལ།། ཡང་གསང་འབྲས་བུ་གཉིས་ཡིན་ཏེ།། ངོ་བོ་རང་བཞིན་ཐུགས་རྗེ་དང་།། རིག་པའི་ཡེ་ཤེས་ཁོ་ནའོ།། རེ་རེ་ལ་ཡང་བཞི
181a6 བཞིས་བསྐོར།། མཚན་ཉིད་འཛིན་པ་དབུས་གནས་ཏེ།། ཐམས་ཅད་ཡེ་ཤེས་ཆེན་པོར་ཤར།། ཐམས་ཅད་མཁྱེན་པའི་ཡེ་ཤེས་ལས།། ཐམས་ཅད་འབྱུང་ཡང་རང་བྱུང་ལ།། ཐམས་ཅད་འགགས་ཀྱང་རང་འགགས
iiif viewer powered by OpenSeadragon
