| e-texts navigator |
| Wylie |
180a1 འདོད་པ་ནི།། དེ་ནི་ས་ཡི་གོལ་ས་ཡིན།། རིག་པ་རང་བྱུང་ཡེ་ཤེས་ལ།། རྒན་པོ་མཁར་ཐོགས་བསྒོམ་པ་དང་།། རྒན་མོ་མཛུབ་ཚུགས་བསྒོམ་པ་དང་།། གཞོན་པ་བདེ་བ་བསྒོམ་པ་ནི།། ཉམས་མྱོང་རེ
180a2 ལ་ཕྱོགས་ལྟོས་མེད།། ཉམས་མྱོང་རྐྱེན་གྱིས་བསྒྱུར་བའི་ཕྱིར།། ཡེ་ཤེས་སྐྱེ་བ་རྐྱེན་ཁར་ཐལ།། ཕྱོགས་ལ་ལྟོས་ནས་རྟེན་འཆའ་བས།། དེ་ནི་ཉམས་མྱོང་གོལ་ས་ཡིན།། རྫོགས་ཆེན་ཡང་ཏི་ནག་པོ་ལས།། ཕྱོགས
180a3 འཛིན་མི་སྤང་མི་འགེག་ལ།། ཆེད་དུ་གང་ཡང་མི་བསྒྲུབ་པས།། དེས་ན་ལྟོས་པའི་ཆོས་མེད་དེ།། དེ་ཡི་མིང་ནི་ལྷུན་གྲུབ་ཡིན།། དེ་ཡིས་མཚན་ནི་རྫོགས་ཆེན་ཡིན།། གསང་མཚན་ཡང་ཏི་འབྲུ་གཅིག་ཡིན།། ཡང
180a4 གསང་ལྟ་བ་ལ་ཐལ་གྱི་རྒྱུད། ཀུན་ཏུ་བཟང་པོའི་སྲོག་གི་སྤུ་གྲི། རྡོ་རྗེ་སེམས་དཔའི་ཐུགས་ཀྱི་རེག་ཆོད་རོ་ལངས་བདེ་བའི་ཐུགས་ཀྱི་སྲོག་གི་ཐིགས་པ། བརྒྱུད་པ་གསུམ་པ། ལྟ་བ་ལ་ཐལ་གྱི་རྒྱུད་རྫོགས
180a5 སོ།། །། ཐིག་ལེ་ཉག་གཅིག་སྐུ་ལ་ཕྱག་ཚལ་ནས།། བཅོམ་ལྡན་ཀུན་ཏུ་བཟང་པོ་ཡིས།། ཆོས་ཉིད་བརྡལ་བའི་ཕོ་བྲང་དུ།། འཁོར་གྱི་རྡོ་རྗེ་སེམས་དཔའ་ལ།། རིག་པ་ཕྱི་ནང་མེད་པའི་དུས།། ཐབས་དང་ཤེས
180a6 རབ་བསྟན་པ་ཤར།། ཞེས་གསུངས་སོ།། ཐིག་ལེའི་ངང་དང་བྱིན་རླབས་ལས།། སྤྱོད་པ་གཏན་ལ་ཕེབ་པ་ཡིས།། ཐབས་དང་ཤེས་རབ་རྒྱུད་ཆེན་འདི།། བྱིན་གྱི་རླབས་ཀྱིས་ཤར་བའོ།། སྤྱོད་པའི་དོན་གཉིས་རྣམ
iiif viewer powered by OpenSeadragon
