| e-texts navigator |
| Wylie |
17a1 ག་ལས་ལུས་ཀྱི་སྐབས་འབྱེད་པའོ།། འབྱུང་བ་ལྔའི་རྩལ་ནི་སོ་སོར་ཤར།། ཕྱི་ནང་གཉིས་སུ་བསྟན་པ་ཡིན།། ཐིག་ལེ་ཕྱི་ནང་རྩལ་ཞེས་བྱ།། དེ་ལྟར་སྣང་ནུས་སྟོབས་སུ་བཤད། དེ་ལྟར་འབྱུང་བས
17a2 རང་བྱུང་ངོ་།། གཞན་ལས་མ་བྱུང་རང་ལས་རང་བྱུང་བས།། ཡོན་ཏན་འབྱུང་བས་རང་བྱུང་ཡིན།། དེ་ལྟར་ཤར་བས་རང་ཤར་ཡིན།། ཡོན་ཏན་ཞེས་བྱ་དེ་ལ་བྱ།། ཐམས་ཅད་འབྱུང་དང་ཀུན་འབྱུང་དང་།། མང་པོ
17a3 རགས་པ་འབྱུང་བ་རྣམས།། རིག་པར་ཤར་བས་རང་ཤར་ཡིན།། སྐུ་ལྔ་རང་སྣང་ཡུལ་ལྔར་སྣང་།། དེ་བཞིན་སེམས་དཔའ་སེམས་མར་སྣང་།། དེ་བཞིན་ཐུགས་རྗེའི་མཛད་སྤྱོད་སྣང་།། དེ་མཚུངས་སྣང་བ་སྣ་ཚོགས
17a4 སྣང་།། སྒྱུ་མ་ལྟ་བུར་གསུངས་པ་དང་།། སྣང་ལ་རང་བཞིན་མེད་པ་དང་།། གསལ་ལ་རྟོག་པ་མེད་པའོ།། ཞེས་བྱུང་ན། རྩལ་ལ་རང་བཞིན་མེད་པར་བཤད། ཐམས་ཅད་རང་སྣང་རང་ཤར་ཡིན།། ཞེས་གསུངས
17a5 སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རིག་པའི་རྩལ་འབྱུང་བ་དང་། དེ་མཚོན་པའི་ཚིག་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། སྟོན་པ་ཐུགས
17a6 རྗེ་ཆེ་མངའ་བ།། རྩལ་གྱི་ངོ་བོ་ཇི་ལྟར་ལགས།། དེའི་ངེས་ཚིག་དབྱེ་བ་ཇི་ལྟར་ལགས།། དེ་ཡི་མཚོན་དཔེ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ངོ་བོ་ནི་མ་འགགས་པའོ།། རྩལ་གྱི་ངེས་ཚིག་ནི།།
iiif viewer powered by OpenSeadragon
