| e-texts navigator |
| Wylie |
179b1 གིས་ཐོས་པ་དུས་གཅིག་ན།། ཆོས་ཀྱི་དབྱིངས་ཀྱི་ཕོ་བྲང་དུ།། སྟོན་པ་ཀུན་ཏུ་བཟང་པོ་ཡིས།། ཐུགས་ཀྱི་སྤྲུལ་པ་ཆེན་པོ་ལ།། དུས་གསུམ་ཁྱད་པར་མེད་པའི་ཕྱིར།། ཉིད་ལས་མི་གཞན་འཁོར་རྣམས་ལ།། རྫོགས་པ
179b2 ཆེན་པོའི་བསྟན་པ་ཤར།། ཞེས་གསུངས་སོ།། ལྟ་བ་ལ་ཐལ་ཆེན་པོའི་རྒྱུད་ཉིད་ཀྱི་ཞལ་ནས་བྱིན་རླབས་སུ། རང་བཞིན་དག་པ་རྣམས་ལ་བབས།། ཆོས་སྐུ་ཐིག་ལེ་ཉག་གཅིག་ལ།། འཁྲུལ་པ་མེད་པས་སེམས
179b3 ཅན་མེད།། སངས་རྒྱས་སེམས་ཅན་གཉིས་སུ་མེད།། བློ་དང་དངོས་པོ་གཉིས་སུ་མེད།། ཆོས་ཅན་ཆོས་ཉིད་གཉིས་སུ་མེད།། འཁོར་བ་མྱང་འདས་གཉིས་སུ་མེད།། དབྱིངས་དང་ཡེ་ཤེས་གཉིས་སུ་མེད།། རྣམ་རྟོག
179b4 ཡེ་ཤེས་གཉིས་སུ་མེད།། སངས་རྒྱས་སེམས་ཅན་གཉིས་མེད་དེ།། ལམ་གྱིས་བཅོས་སུ་ག་ལ་ཡོད།། ཡེ་ནས་གྲོལ་བའི་ཆོས་སྐུ་ལ།། ལྷ་སྒོམ་སྤྱོད་པ་འཆིང་བའི་རྒྱུ།། ཡེ་གྲོལ་ཆེན་པོ་ཕྱོགས་མེད་ལ།། ཕྱོགས་སུ
179b5 འཛིན་པ་འཁྲུལ་པའི་ལམ།། ལྷ་སྒོམ་སྤྱོད་པ་ནོར་བའི་ལམ།། འབྲས་བུ་ཐོབ་འདོད་ལྟོས་པའི་ཆོས།། ཡེ་གྲོལ་ཆེན་པོར་ཤར་བ་ལ།། རྩོལ་བསྒྲུབ་བྱེད་པ་འཁྲུལ་པའི་ལམ།། ཐམས་ཅད་རང་སྣང་ཆེན་པོ་ལ།། བསྒོམ
179b6 དུ་མེད་པར་བསྒོམ་པ་ནི།། དེ་ནི་ནམ་མཁར་སྙེགས་པ་འདྲ།། ཡེ་ནས་ཆོས་སྐུར་གཅིག་པ་ལ།། བར་དོར་ཆོས་ཉིད་སྐྱེ་འདོད་པ།། དེ་ནི་ལམ་གྱི་གོལ་ས་ཡིན།། ཐམས་ཅད་ཡེ་ནས་ལྷུན་གྲུབ་ལ།། བར་དོར་འབྲས་བུ
iiif viewer powered by OpenSeadragon
