| e-texts navigator |
| Wylie |
179a1 བསྒོམ་པ་ནི།། ཤན་དབྱེ་ལ་བཟླར་འདོད་པ་སྟེ།། ཤིན་ཏུ་འདི་རྣམས་སྐུར་བར་བྱ།། རིག་པ་གསལ་བའི་ཉམས་ཀྱི་ཕ་རྒྱུད་དུ།། བདེ་བའི་ཉམས་ནི་མ་རྒྱུད་དུ།། སྟོང་པ་ཉམས་ནི་དབུས་མ་རུ།། འོད
179a2 གསལ་ཉམས་ཀྱི་ལོངས་སྐུ་རུ།། གོལ་བ་ཡིན་ཕྱིར་ཡང་ཏི་བསྟན།། ད་ནི་ལ་བཟླ་བསྟན་པ་ནི།། ཡུལ་དང་ཡུལ་ཅན་དུ་མི་བསྒོམ།། བསྒོམ་པ་ཕར་ལ་མི་བསྒོམ་རང་ཤར་ཤེས།། བདེ་བ་མི་བདེ་ཡིད་བདེར
179a3 ཤེས།། རིག་པའི་སྐུ་ལ་ཕྱི་ནང་མེད།། མཁའ་ཁྱབ་ཡུལ་ལ་སྣང་བ་མེད།། ཡེ་ཤེས་ལུས་ལ་ཕྱི་ནང་མེད།། སྤྲུལ་པའི་སྐུ་ལ་སྐུ་གསུམ་མེད།། ཕྱི་རུ་སྣང་བ་ལོངས་སྐུར་བསྒོམ།། ནང་ནས་ཤར་བ་སྦྲུལ་སྐུར
179a4 བསྒོམ།། ཐིག་ལེ་ཉག་གཅིག་ཆོས་སྐུ་ལ།། ཆོས་སྐུའི་བསྒོམ་པ་རྫོགས་པའོ།། ཕྱི་རུ་བསྒོམ་པས་ལོངས་སྐུར་གོལ།། ནང་དུ་བསྒོམ་པས་སྦྲུལ་སྐུར་གོལ།། གཉིས་མེད་བསྒོམ་པས་དབུ་མར་གོལ།། ཆོས་ཀྱི་སྒོ་མོ
179a5 བརྒྱད་ཁྲི་བཞི་སྟོང་ཡང་།། དང་པོ་ཐིག་ལེའི་ངང་ལས་བྱུང་།། བར་དུ་ཐིག་ལེའི་ངངལ་གནས།། ཟ་མར་ཐིག་ལེའི་ངང་དུ་རྫོགས།། བསྒོམས་ཉམས་ཇི་སྙེད་བྱུང་བ་ཡང་།། དང་པོ་བཀའ་ཡི་རྒྱུད་ལས་བྱུང་།། ད་ནི
179a6 ཉམས་ལ་མི་བརྟེན་ཏེ།། ཡང་ཏི་ནག་པོའི་བསྒོམ་པའོ།། བསྒོམ་པ་སྲོག་གི་སྤུ་གྲིའོ།། སྲོག་གི་འཁོར་ལོའི་རྒྱུད་རྫོགས་སོ།། །། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག།
iiif viewer powered by OpenSeadragon
