| e-texts navigator |
| Wylie |
178b1 རྫོགས་སོ།། །། དཔལ་ཀུན་བཟང་སྐུ་ལ་ཕྱག་འཚལ་ནས།། རྫོགས་ཆེན་བསྒོམ་པའི་རྒྱུད་ཞུས་པ། ཀུན་ཏུ་བཟང་པོས་བཀའ་སྩལ་པ།། ཉོན་ཅིག་རྡོ་རྗེ་སེམས་དཔའ་ཆེ།། ཆོས་ཉིད་ལྷུན་གྲུབ་ཕོ་བྲང་དུ།། རིག
178b2 པ་འགག་མེད་འཁོར་རྣམས་ལ།། སངས་རྒྱས་སེམས་ཅན་དབྱེར་མེད་འདུས།། རང་ཤར་ཆེན་པོའི་བསྟན་པ་ལ།། བསྒོམ་པ་སྲོག་གི་སྤུ་གྲིའི་རྒྱུད།། ཞལ་ནས་རང་བྱུང་ཆེན་པོར་འཐོན།། བསྒོམ་པའི་སྲོག་ལ་རྣམ
178b3 བཞི་སྟེ།། སེམས་ཕྱོགས་ཡོངས་གྲགས་བསྒོམ་པའི་སྲོག། རྫོགས་པ་ཆེན་པོ་བསྒོམ་པའི་སྲོག། ཨ་ཏི་ཆེན་པོ་བསྒོམ་པའི་སྲོག། ཡང་ཏི་འབྲུ་གཅིག་བསྒོམ་པའི་སྲོག། ཅེས་གསུངས་སོ།། སེམས་ཕྱོགས་ཡོངས་གྲགས
178b4 བསྒོམ་པ་ནི།། བསྒོམ་ཡོད་བསྒོམ་མེད་གཉིས་སུ་འདོད།། ཡོད་པར་འདོད་པ་རྟག་པའི་མཐའ།། མེད་པར་འདོད་པ་ཆད་པའི་མཐའ།། མཐའ་གཉིས་མུ་སྟེགས་རྟག་ཆད་དུ།། གོལ་ཕྱིར་ཡང་ཏི་ནག་པོ
178b5 བསྟེན།། རྫོགས་པ་ཆེན་པོ་བསྒོམ་པ་ན།། ཐམས་ཅད་རང་ལ་རྫོགས་པར་འདོད།། བསྒོམ་བྱ་སྐྱོན་ལ་བསྒོམ་མེད་སྐྱོན།། གཉིས་སུ་མེད་པར་འདུག་པ་ནི།། དེ་ལ་ཡེ་ཤེས་མ་ཤར་བས།། སོ་སོ་སྐྱེ་བོའི་ཁྱུ་རུ
178b6 གོལ།། ཨ་ཏི་ཆེན་པོའི་བསྒོམ་པ་ནི།། རིག་པ་རང་སྣང་རང་གསལ་ལ།། སྣང་བ་རང་སྣང་གཉིས་སུ་མེད།། དེ་ཡི་དོན་ལ་གང་རྟོག་པ།། མ་ཧཱ་ཨ་ནུ་སེམས་རྩལ་དུ།། འགྲོ་བ་ཡིན་པར་བཤད་པའོ།། ཡང་ཏི་ནག་པོའི
iiif viewer powered by OpenSeadragon
