| e-texts navigator |
| Wylie |
177a1 རང་སར་གྲོལ་བའི་ལེའུ་སྟེ་བཞི་པའོ།། །། རྡོ་རྗེ་སེམས་དཔའ་ཁྱོད་ཉོན་ཅིག། གསང་བར་ཤར་བའི་རྩ་ལྔ་ནི།། ཐིག་ལེ་ཉག་གཅིག་རོལ་པ་ལྔ།། རང་བྱུང་ཡིན་པར་ངོ་ཤེས་པས།། སྒོམ་བསྒྲུབ་མེད
177a2 པའི་རང་ཤར་ལ།། དེ་ལྟ་སྒོམ་སྒྲུབ་བྱེད་པ་ནི།། ང་ཡི་གཞི་ལས་འཚོལ་བ་སྟེ།། ཤེས་རབ་ཆུང་བའི་གོལ་ས་ཡིན།། ལྟ་བ་རང་ཤར་ཆེན་པོ་ལ།། སྒོམ་པ་རང་གྲོལ་ཆེན་པོ་ཡིན།། སྤྱོད་པ་ཚོགས་དྲུག་ལྷུག་པ
177a3 ལ།། འབྲས་བུ་ཡུལ་སྣང་མེད་པ་ཡིན།། ཡེ་ཤེས་ཟང་ཐལ་ཆེན་པོ་ལ།། བར་དོ་མེད་པ་རང་གྲོལ་ཡིན།། ཞེས་གསུངས་སོ།། རྩ་རླུང་ཐིག་ལེའི་རྒྱུད་ལས། གསང་བ་རང་གྲོལ་གྱི་ལེའུ་སྟེ་ལྔ་པའོ།། །། རྡོ་རྗེ
177a4 སེམས་དཔའ་ཁྱོད་ཉོན་ཅིག། དེ་ཁོ་ན་ཉིད་ཀྱི་རྩ་ལྔ་ནི། གཉིས་སྣང་མེད་པའི་ཤེས་རབ་ལ།། ཐོགས་པ་མེད་པའི་ཤེས་རབ་ཀྱིས།། འགག་པ་མེད་པའི་རིག་པ་ལ།། རང་རིག་ཡེ་ཤེས་ཟང་ཐལ་དུ།། ལྷངས་ཀྱིས་ཤེས
177a5 པ་ཤེས་རབ་ཡིན།། ཞེས་གསུངས་སོ།། རྩ་རླུང་ཐིག་ལེའི་རྒྱུད་ལས། ཡང་གསང་རང་གྲོལ་གྱི་ལེའུ་སྟེ་དྲུག་པའོ།། །། རྡོ་རྗེ་སེས་མ་དཔའ་ཁྱོད་ཉོན་ཅིག། རྒྱས་པར་རྩ་ལ་བསམ་མི་ཁྱབ།། བསྡུ་ན་རྣམ་པ་གཉིས
177a6 སུ་འདུས།། ཆོས་རྣམས་ཚིག་གི་རྩ་དང་ནི།། ཡང་དག་དོན་གྱི་རྩ་གཉིས་སོ།། འདི་ནི་ཡང་དག་དོན་གྱི་རྩ།། ཞེས་གསུངས་སོ།། ཀུན་ཏུ་བཟང་པོས་གསུངས་པ་ཡི།། ཡེ་ཤེས་རྩ་ཡི་རྒྱུད་ཆེན་འདི།། ཀུན་ཏུ་བཟང
iiif viewer powered by OpenSeadragon
