| e-texts navigator |
| Wylie |
176b1 གླེང་སློང་བའི་ལེའུ་སྟེ་གཉིས་པའོ།། །། རྡོ་རྗེ་སེམས་དཔའ་ཁྱོད་ཉོན་ཅིག། རང་ཤར་ཆེན་པོའི་རྩ་རླུང་ནི།། ཕྱི་རུ་ཤར་བའི་རྩ་ལྔ་དང་།། ནང་དུ་ཤར་བའི་རྩ་ལྔ་དང་།། གསང་བར་ཤར་བའི་རྩ་ལྔ་དང་།། ཡང
176b2 གསང་ཡང་ཏིའི་རྩ་ལྔ་དང་།། དེ་ཁོ་ན་ཉིད་གསང་བ་ཆེན་པོའི་རྩ་ལྔའོ།། དེ་ལས་ཕྱི་རུ་ཤར་བའི་རྩ་ལྔ་ནི།། དབྱིངས་ཀྱི་ཐིག་ལེ་ལྔ་ཡིན་ཏེ།། ཐིག་ལེ་ལྔ་ནི་སྟོང་གསལ་དུ།། སྣང་གསལ་ཆེན་པོའི་རྒྱས་གདབ
176b3 པོ།། རིག་གསལ་དང་དུ་ངོ་འཕྲད་པས།། ཐིག་ལེ་ལྔ་ཡང་གཅིག་ཏུ་འདྲིལ།། འབྱུང་བ་ལྔ་ནི་རིག་སྟོང་གསལ།། འབྱུང་བ་ལྔ་ནི་ངོ་སྤྲད་དེ།། ས་དང་ཆུ་དང་མེ་དང་རླུང་།། མཁའ་ཁྱབ་དངས་པའི་ངང་དུ་ནི།། ཚོགས
176b4 དྲུག་རོལ་པའི་ངོ་སྤྲད་པས།། འདོད་ཡོན་ལྔ་དང་ཆགས་སྡང་ལྔ།། རང་བྱུང་རང་གྲོལ་རང་ཤར་གསལ།། བདེ་གསལ་ངང་དུ་ངོ་སྤྲོད་དོ།། ཞེས་གསུངས་སོ།། རྩ་རླུང་ཐིག་ལེའི་རྒྱུད་ལས། དབྱིངས་རང་སར་གྲོལ་བའི
176b5 ལེའུ་སྟེ་གསུམ་པའོ།། །། རྡོ་རྗེ་སེམས་དཔའ་ཁྱོད་ཉོན་ཅིག། ནང་དུ་ཤར་བའི་རྩ་ལྔ་ནི།། ཡེ་ཤེས་རོལ་པའི་རྩ་ལྔ་སྟེ།། གསལ་བྱེད་ཤེས་རབ་རྒྱས་བཏབ་པས།། ནང་གི་རྩ་ལྔ་གཅིག་ཏུ་འཁྱིལ།། ཤེས་རབ་ཆེན
176b6 པོ་གཅིག་ཏུ་གསལ།། ཡེ་ཤེས་ལྔ་པོ་དབྱིངས་སུ་གྲོལ།། དབྱིངས་ལྔ་རིག་པའི་ཀློང་དུ་གྲོལ།། རང་གྲོལ་རང་ཤར་ངོ་ཤེས་པས།། དེ་ནི་རང་གྲོལ་རྣམ་ལྔ་ཡིན།། ཞེས་གསུངས་སོ།། རྩ་རླུང་ཐིག་ལེའི་རྒྱུད་ལས། ནང
iiif viewer powered by OpenSeadragon
