| e-texts navigator |
| Wylie |
176a1 བུར་ཀློང་ཡངས་གཅིག་ལ་གཏོད།། ཉི་ཟླ་ལྟ་བུར་བྷྲྀ་གསལ་གཅིག་ལ་གཏོད།། མ་འོངས་བསྟན་པའི་སྒྲོན་མ་བྱེད་པར་འགྱུར།། ཞེས་གསུངས་སོ།། ལྟ་བ་ལ་ཤན་ཆེན་པོའི
176a2 རིན་པོ་ཆེའི་སྒྲོན་མ་རྩ་བའི་རྒྱུད་ལས། རྒྱུད་གཏད་པའི་ལེའུ་སྟེ་བཅུ་བཞི་པ་རྫོགས་སོ།། །། ལྟ་བ་ལ་ཤན་ཆེན་པོ་རིན་པོ་ཆེ་སྒྲོན་མ་རྩ་བའི་རྒྱུད། ཨུ་རྒྱན་གྱི་གུ་རུ་ཆེན་པོ་པདྨ་འབྱུང་གནས་དང་། བོད་ཀྱི་ལོ་ཙྪ་བ
176a3 སྐ་བ་དཔལ་བརྩེགས་ཀྱིས་མངའ་བདག་རྒྱལ་པོའི་དོན་དུ་བསྒྱུར་བའོ།། གཏད་རྒྱ། སྦས་རྒྱ།། །། ཀུན་བཟང་རྫོགས་པའི་སངས་རྒྱས་ཀྱིས།། ཐིག་ལེ་ཉག་གཅིག་སྐུ་ལ་ཕྱག་ཚལ་ལོ།། རྩ་རླུང་ཐིག་ལེའི་རྒྱུད
176a4 བཤད་པ།། ཀྱེ་ཐོག་མ་ལྷུན་གྱིས་གྲུབ་པའི་གནས།། སྟོན་པ་ཐིག་ལེ་ཉག་གཅིག་སྐུ།། འཁོར་ནི་རང་བྱུང་ཆེན་པོ་ལ།། དུས་གསུམ་དབྱེ་བ་མེད་པའི་དུས།། བསྟན་པ་གཉིས་སྣང་མེད་པར་བཤད།། ཅེས་གསུངས
176a5 སོ།། རྩ་རླུང་ཐིག་ལེའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། ཀྱེ་གསང་བདག་རྡོ་རྗེ་སེསམ་དཔའ་ཉོན།། རྩ་རླུང་ཐིག་ལེ་གཞི་ལ་གནས།། ངོ་བོ་ཐ་དད་རང་བཞིན་གཅིག། ཐུགས་རྗེའི་རོལ་པ་རང
176a6 ཤར་རོ།། ཤར་ཚུལ་སྣང་ཚུལ་གཉིས་སུ[:]སྣང་།། དེ་ནི[:]གཞི་ཡི་རང་རྩལ་ལས།། འགག་པ་མེད་པའི་རང་བྱུང་ཤར།། ཤར་བ་ཡིན་པས་ངེས་པ་མེད།། ཅེས་གསུངས་སོ།། རྩ་རླུང་ཐིག་ལེའི་རྒྱུད་ལས།།
iiif viewer powered by OpenSeadragon
