| e-texts navigator |
| Wylie |
175b1 པ་ལ།། རགས་པ་སྐྱེ་བའི་གཞི་མ་བཙལ་བར་བྱ།། ཡན་ལག་སྣང་ཚུལ་རིག་པའི་བར་དོ་རུ།། ཡར་མར་འཆར་སྒོ་འཁྲུལ་སྒོའི་གཞི་མ་བཙལ།། སྣང་བ་རྣམ་པ་གསུམ་གྱི་བར་དོ་རུ།། སྟོན་པ་སྐུ་གསུམ་འབྱུང་བའི
175b2 གཞི་མ་བཙལ།། ཁ་དོག་རྣམ་པ་ལྔ་ཡི་བར་དོ་རུ།། གཟུགས་བརྙན་འོད་ཀྱི་གཞི་མ་བཙལ་བར་བྱ།། འོད་ལྔ་གཟུགས་ལྔར་འཆར་བའི་བར་དོ་རུ།། རིགས་དྲུག་འཁྲུལ་པའི་གཞི་མ་བཙལ་བར་བྱ།། ཐོས་དང་བསམ
175b3 པ་ཤེས་རབ་བར་དོ་རུ།། མར་གྱི་སེམས་ཅན་འཁྲུལ་ཚུལ་རྩད་ནས་བཅད།། ད་ལྟ་ཤེས་པ་སྔ་ཕྱིའི་བར་དོ་རུ།། འཁྲུལ་པ་བཟློག་ཐབས་རྣམ་གསུམ་ཉམས་སུ་བླངས།། སྐྱེ་དང་ཤི་བ་སྲིད་པའི་བར་དོ་རུ།། སྙིང་པོ
175b4 མཐའ་གྲོལ་ཀློང་དུ་གནས་པར་གྱིས།། ཞེས་གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས། བར་དོའི་ལེའུ་སྟེ་བཅུ་གསུམ་པའོ།། །། དེ་ནས་རང་གསལ་སེམས་པ་རྡོ་རྗེ་དེས།། བློ་འདས་དོན་གྱི་སྟོན་པ་ལ
175b5 ཞུས་པ།། ཡང་ཏི་ལ་ཤན་རིན་ཆེན་སྒྲོན་མ་འདིར།། ཕྱི་རབ་གཏད་པའི་སྣོད་ཀྱི་ཁྱད་པར་གང་།། ཞེས་ཞུས་པས། གསང་བདག་སྟོན་པས་འཁོར་ལ་བཀའ་སྩལ་པ།། དགོས་འདོད་ཀུན་འབྱུང་ནམ་མཁའི་མཐའ་དང
175b6 མཉམ།། གསལ་བའི་གོ་འབྱེད་ཐམས་ཅད་ཡོངས་རྫོགས་པས།། ཐེག་པ་ལ་ཟློ་ཤན་འབྱེད་ཡང་ཏི་འདི།། ལྷ་མིའི་འཇིག་རྟེན་གནས་སུ་དར་བའི་ཚེ།། རིན་ཆེན་ལྟ་བུར་སྣོད་ལྡན་གཅིག་ལ་གཏོད།། ནམ་མཁའ་ལྟ།
iiif viewer powered by OpenSeadragon
