| e-texts navigator |
| Wylie |
174b1 པར་ལུས་ངག་བྱ་བཏང་དགོངས་པ་ལ།། ཡིད་གདུང་མ་བྱེད་གཏིང་ཡངས་ཀློང་དུ་ཞོག། འགྱུ་དྲན་སྐྱེ་མེད་སྐྱེས་ཀྱང་ཤར་བྱུང་ན།། ཕྱི་ནང་འཁྲུལ་པ་མཚོན་ཆེན་གཅིག་གིས་ཆོད།། དབུས་མཐའ་ཀུན་བྲལ་སྙིང་པོ
174b2 ཚིག་ལས་འདས།། མཚོན་མེད་མཐའ་སྟོངས་འགྱུ་མེད་ཀུན་གྱི་ལམ།། ཞེ་འདོད་འཛིན་པ་མེད་པ་ཐིག་ལེའི་ཀློང་།། ཡེ་སྟོང་ཡེ་བྲལ་སྒྲོ་སྐུར་མིང་དང་བྲལ།། ཀུན་ཁྱབ་རྒྱུ་དང་རྐྱེན་མེད་རྒྱ་མ་ཆད།། མི་ཟད་གཏེར
174b3 མཛོད་སྙིང་པོ་བསྟན་དུ་མེད།། ངོ་བོ་ཅིར་ཡང་མ་མཐོང་ལྟ་བ་ལ།། རྩལ་གྱི་ཡན་ལག་ལྟ་བའི་རིམ་པ་རྣམས།། རང་འདོད་སོ་སོར་སྣང་ཡང་གཅིག་ལས་མེད།། གཅིག་པོ་མ་སྐྱེས་བཅོས་མེད་ནམ་མཁའ
174b4 འདྲ།། དབྱིབས་དང་ཁ་དོག་གང་ཡང་མ་གྲུབ་པས།། འདི་འདྲ་མཚོན་དུ་མེད་པའི་བྱང་ཆུབ་སེམས།། ལུས་ངག་ཡིད་གསུམ་རྩོལ་བྲལ་དང་དུ་སྤྱོད།། འཁྲུལ་རྟོགས་སྐྱེས་དང་སྐྱེ་མེད་གཉིས་མེད་སྤྱོད།། མི་འགྱུར་མི
174b5 དམིགས་མཚོན་བྲལ་དང་ལ་བསྒོམས།། འགྲོ་འོང་ཡེངས་མེད་བསྒོམ་བྱ་སྒོམ་བྱེད་མེད།། གཞན་མེད་རང་ས་སྙིང་པོའི་ཀློང་བསྒོམ་མཆོག། གཞན་ནས་ཐོབ་མེད་རང་གནས་འབྲས་བུའི་རྒྱལ།། རྒྱུ་དང་རྐྱེན་མེད་ཆོས
174b6 སྐུ་མཁའ་མཉམ་མཆོག། རང་བཞིན་ཀུན་ཁྱབ་མཚན་ཉིད་ཐམས་ཅད་མཁྱེན།། ཆོས་སྐུའི་ངོ་བོ་འདི་ཞེས་བསྟན་དུ་མེད།། ཐོབ་བྱ་འཐོབ་བྱེད་མིང་མེད་མུ་མཐའ་སྟོངས།། འཁྲུལ་ཞེན་གྲོལ་ཚེ་བདག་གཞན་ཡོད་མ
iiif viewer powered by OpenSeadragon
