| e-texts navigator |
| Wylie |
173b1 ཤེས།། དེ་ལ་སྣང་བ་གྲོལ་བའི་རྒྱ་ཡིས་གདབ།། རིག་པ་ཅིར་ཡང་གསལ་བའི་མེ་ལོང་དུ།། འཁྲུལ་པའི་རྟོག་པ་བག་ཆགས་རང་ངོ་སྤྲད།། སྤྲད་པས་མེ་ལོང་གཟུགས་བརྙན་ལྟ་བུར་རྟོགས།། དེ་ལ་གསལ་དག་རང
173b2 གྲོལ་རྒྱ་ཡིས་གདབ།། གསལ་བར་རང་དངས་ཆོས་དབྱིངས་མེ་ལོང་དུ།། སྣང་བའི་དངོས་པོ་ཡུལ་རྣམས་རང་ངོ་སྤྲད།། སྤྲད་པའི་སྣང་ཡང་མིང་མེད་མཐའ་སྟོངས་རྟོགས།། དེ་ལ་དབྱེར་མེད་གཏིང་ཡངས་རྒྱ་ཡིས
173b3 གདབ།། དེ་ལྟར་བསྟན་པ་དེ་ཡང་མཚོན་པ་ཙམ།། སྤྲད་བྱ་སྤྲོད་བྱེད་གཉིས་དང་གཉིས་མེད་ཀྱིས།། མིང་མེད་མཐའ་སྟོངས་རང་དག་ཀློང་དུ་གྲོལ།། ཞེས་གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས། མེ་ལོང
173b4 རྣམ་པ་གསུམ་དུ་རང་ངོ་སྤྲད་པའི་ལེའུ་སྟེ་བཅུ་གཅིག་པའོ།། །། དེ་ནས་རང་གསལ་སེམས་དཔའ་རྡོ་རྗེ་དེས།། གསང་བདག་དོན་གྱི་སྟོན་པ་ལ་ཞུས་པ།། ཡང་ཏི་སེམས་ཉིད་རིན་ཆེན་སྒྲོན་མ་འདིར།། ཡང
173b5 གསང་དོན་གྱི་གདམས་ངག་ལ་བཟླ་གང་།། ཞེས་ཞུས་པས།། བློ་འདས་དོན་གྱི་སྟོན་པས་བཀའ་སྩལ་པ།། ལྷ་སྒོམ་སྤྱོད་པ་འབྲས་བུ་རྣམ་པ་བཞིས།། སངས་རྒྱས་དགོངས་པ་མཐའ་སྟོངས་ཀློང་དུ་བཟླ།། གཏན
173b6 ཚིགས་ཚད་མ་གསུམ་གྱིས་དེ་ཉིད་རྟོགས།། མིང་གི་འདོད་པ་ལྟ་སྒོམ་སྤྱོད་འབྲས་རྣམས།། ཐོགས་མེད་དོན་གྱི་ངང་དུ་ལ་བཟླའོ།། ཐོག་མའི་གནས་དང་མཐའ་མའི་གནད་དག་གིས།། འཁྲུལ་པ་རྩད་ནས་བཅད་ཅིང
iiif viewer powered by OpenSeadragon
