| e-texts navigator |
| Wylie |
172b1 བཟང་ངན་བླང་དོར་གཉིས་སུ་འདོད་པ་དང་།། ཞེ་འདོད་འབྲས་བུ་འདོད་པའི་དྲི་མ་དག། སྟོང་ལས་ཅིར་ཡང་གསལ་བ་བུམ་པའི་དབང་།། གསལ་ཡང་མཐོང་ཡུལ་འདས་པ་གསང་བའི་དབང་།། གསལ་དག་ཉམས
172b2 སུ་མྱོང་བ་ཐབས་ཤེས་དབང་།། ཉམས་ལ་ཞེན་མེད་མཐའ་སྟོངས་བརྡའ་ཡི་དབང་།། དབང་བཞི་བསྐུར་བས་དྲི་མ་རྣམ་བཞི་དག། ལྷན་ཅིག་སྐྱེས་དང་ཀུན་ཏུ་བརྟགས་པ་དང་།། བསམ་བརྗོད་རྟོག་ཚོགས་ཞེན་པའི
172b3 མཐའ་ལས་གྲོལ།། འབྲས་བུ་བློ་དངོས་མུ་མཐའ་རང་གྲོལ་ནས།། གྲོལ་དང་མ་གྲོལ་ཉིད་ཀྱང་མཐའ་སྟོངས་ཏེ།། བསྐུར་ཐོབ་རང་སར་དག་པ་ངོ་མཚར་ཆེ།། ཡང་ཏི་རིན་ཆེན་སྒྲོན་མར་བསྟན་པ་ཡིན།། ཞེས
172b4 གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས།། རིག་པའི་རྩལ་དབང་བསྟན་པའི་ལེའུ་སྟེ་དགུ་པའོ།། །། དེ་ནས་རང་གསལ་སེམས་དཔའ་རྡོ་རྗེ་དེས།། སྟོན་པ་གསང་བདག་ཆེན་པོ་ལ་ཞུས་པ།། ཡང་ཏི
172b5 ལ་ཤན་རིན་ཆེན་སྒྲོན་མ་འདིའི།། རྒྱུད་ཀྱི་ལྡང་ཚད་འབྲེལ་ནས་ཇི་ལྟར་རྫོགས།། ཞེས་ཞུས་པས། བློ་འདས་སྟོན་པས་འཁོར་ལ་བཀའ་སྩལ་པ།། སྙིང་པོ་མུ་མཐའ་ཀུན་གྲོལ་དཀྱིལ་འཁོར་དུ།། འཛིན་མེད་འཇུག་པ
172b6 དབང་གི་རྒྱལ་པོ་ཡིན།། མིང་མེད་གཏིང་ཡངས་མཐའ་སྟོངས་ངོ་བོ་ལས།། རྟག་ཏུ་འདའ་བ་མེད་པ་དམ་ཚིག་ཡིན།། ཅིར་སྣང་རང་སར་གྲོལ་བ་ཐབས་ཡིན་ཏེ།། གྲོལ་བྱ་གྲོལ་བྱེད་བློ་འདས་ཤེས་རབ་ཡིན།། མིང
iiif viewer powered by OpenSeadragon
