| e-texts navigator |
| Wylie |
172a1 གཉིས་སུ་བསྟན།། ཐུན་མོང་དབང་ལ་རྣམ་པ་བཞི་ཡིན་ཏེ།། ལྷ་དབང་ལུས་ལ་བསྐུར་བ་བུམ་པའི་དབང་།། རྫས་དབང་ངག་ལ་བསྐུར་བ་གསང་བའི་དབང་།། བདེ་བ་རྒྱུད་ལ་སྐྱེས་པ་ཤེས་རབ
172a2 དབང་།། དེ་ཉིད་རང་ངོ་སྤྲོད་པ་ཚིག་དབང་སྟེ།། བསྐུར་ཐབས་སྤྲོས་པའི་མཚན་མ་ལ་བརྟེན་ནས།། དགོས་པ་ལུས་ངག་ཡིད་གསུམ་དག་པར་བྱེད།། འབྲས་བུ་སྐུ་གསུམ་སངས་རྒྱས་ཐོབ་པར་འདོད།། བློ་དམན་དྲང
172a3 བའི་དོན་དུ་དེ་ཡང་བསྟན།། བསྐུར་བྱ་སྐུར་བྱེད་ཐོབ་བྱ་འཐོབ་བྱེད་དང་།། གཉིས་འཛིན་དབྱེ་བསལ་བྱུང་བས་འཁོར་བའི་ཆོས།། ཁྱད་པར་ཆོས་དབང་སེམས་ལ་བསྐུར་བ་ནི།། དབང་གི་ངོ་བོ་ངེས་ཚིག་དབྱེ་བ
172a4 དང་།། བསྐུར་ཐབས་དགོས་པ་འབྲས་བུར་བཅས་ཏེ་བསྟན།། ངོ་བོ་སེམས་ཉིད་ཡེ་ནས་སྐྱེ་བ་མེད།། མཚན་མའི་དྲི་བྲལ་མིང་མེད་མཐའ་སྟོངས་སོ།། ངེས་ཚིག་སྙིང་པོ་ཡེ་ནས་རང་དབང་རང་གིས་ཐོབ།། དབྱེ་ན་ཕྱི།
172a5 ནང་གསང་བ་ཁོ་ན་ཉིད།། བསྐུར་བའི་ཐབས་ནི་རིག་པའི་རྩལ་དང་སྟེ།། ཤེས་མེད་རང་སར་སྟོངས་པ་བུམ་པའི་དབང་།། མཚོན་བརྗོད་བསྟན་དུ་མེད་པ་གསང་བའི་དབང་།། ཀུན་འབྱུང་རང་སར་གྲོལ་བ་མིང་མེད
172a6 གཏིང་ཡངས་ཏེ།། རྒྱུད་ལ་འདྲེས་པ་ཤེས་རབ་ཡེ་ཤེས་དབང་།། ཞེ་འདོད་བློ་བཏགས་མེད་པ་བརྡའ་ཡི་དབང་།། དབང་བཞི་བསྐུར་བས་དྲི་མ་བཞི་རང་དག། ཤེས་པར་འདོད་དང་མཐོང་བར་འདོད་པ་དང་།།
iiif viewer powered by OpenSeadragon
