| e-texts navigator |
| Wylie |
171b1 ལྔ་ནི་ངོ་བོ་ངེས་ཚིག་དང་།། དབྱེ་བ་ཕན་ཡོན་དགོས་པ་དང་ལྔའོ།། ལྡང་ཚད་དབང་དང་དམ་ཚིག་འབྲེལ་པ་དང་།། ཐབས་དང་ཤེས་རབ་ལྟ་བ་སྤྱོད་པ་དང་།། འབྲས་བུ་མཆོག་དང་ཐུན་མོང་འབྲེལ་པའོ།། འབྲེལ
171b2 དང་མ་ཚང་མེད་པས་རྒྱུད་ཅེས་བྱ།། གདུལ་དཀའ་ཟབ་ཅིང་རྒྱ་ཆེས་འདུལ་བར་དགོངས།། དབྱེ་ན་ཚིག་དང་དོན་དང་གཉིས་མེད་རྒྱུད།། མཐུན་དཔེ་ཟ་འོག་གུར་ཁྱིམ་ཐགས་དང་འདྲ།། དགོས་པའི་གཞི་ནི་མྱུར་དུ
171b3 དོན་སྒྲུབ་བྱེད།། དེ་ཡང་ཡངས་དང་གསལ་དང་ཟབ་པ་དང་།། དགོས་འབྱུང་ཐམས་ཅད་ཡོངས་རྫོགས་རྒྱུད་ལྔ་ལས།། ང་ཡི་ཡང་ཏི་རིན་ཆེན་སྒྲོན་མ་འདི།། ཐམས་ཅད་ཡོངས་རྫོགས་རྒྱ་ཆད་མེད་པའི་རྒྱུད།། འདི་ཡི
171b4 དགོས་པ་ཐེག་པ་རིམ་དགུ་ཡི། ཀུན་བརྟགས་མཐར་འཛིན་ཐམས་ཅད་སེལ་བར་བྱེད།། མིང་མེད་མཐའ་སྟོངས་ཆེན་པོར་ཡོངས་སུ་གྲོལ།། ཞེས་གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས། རྒྱུད་ཀྱི་དོན
171b5 གཏན་ལ་ཕབ་པའི་ལེའུ་སྟེ་བརྒྱད་པའོ།། །། དེ་ནས་རང་གསལ་སེམས་དཔའ་རྡོ་རྗེ་དེས།། བློ་འདས་གསང་བདག་སྟོན་པ་ལ་ཞུས་པ།། མིང་མེད་མཐའ་སྟོངས་དོན་གྱི་ངོ་བོ་ལ།། དབང་དང་འཇུག་སྒོ་ལ
171b6 སོགས་མིང་མེད་ཀྱང་།། ཡོངས་རྫོགས་རྒྱ་ཆད་མེད་པར་སྟོན་པའི་ཕྱིར།། ཡེ་རྫོགས་དབང་གི་རྒྱལ་པོ་ཇི་ལྟར་ལགས།། ཞེས་ཞུས་པས། བློ་འདས་སྟོན་པས་འཁོར་ལ་བཀའ་སྩལ་པ།། དབང་ལ་ཐུན་མོང་ཁྱད་པར
iiif viewer powered by OpenSeadragon
