| e-texts navigator |
| Wylie |
171a1 བཏགས་པས་ཕུང་།། བསྒྲུབ་བྱ་སྒྲུབ་བྱེད་གཉིས་འཛིན་སྐྱེས་པས་རླགས།། ཡང་ཏི་ལ་ཤན་རིན་ཆེན་སྒྲོན་མ་འདིར།། འཁོར་འདས་བླང་དོར་མ་གྲུབ་མུ་མཐའ་སྟོངས།། བླང་དོར་གཉིས་པོ་མི་འགེག་མུ
171a2 མཐའ་སྟོངས།། བླང་དོར་གཉིས་མེད་མི་འདོད་མུ་མཐའ་སྟོངས།། བླང་དོར་གཉིས་མེད་མི་འགོག་མུ་མཐའ་སྟོངས།། དེ་ལྟར་སྣང་སྲིད་འཁོར་འདས་ཆོས་རྣམས་ལ།། ཆེད་དུ་བསྒྲུབ་དང་ཆེད་དུ་འགེགས་པ
171a3 དང་།། དགག་བསྒྲུབ་གཉིས་ཀ་གཉིས་མེད་གང་གི་ཡང་།། མིང་མེད་མུ་མཐའ་སྟོངས་པ་གནས་ཀྱི་རྫོང་།། གཉིས་འཛིན་མཚན་མའི་ཆོས་ལ་བསྐོར་བར་གྱིས།། རིམ་དགུ་བློས་བཏགས་ཐེག་པའི་རིམ་པ་ལས།། ངོ
171a4 བོ་ཉིད་ཀྱིས་འཕགས་པ་ངོ་མཚར་ཆེ།། ཞེས་གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས། ཐེག་པའི་རིམ་པ་ལས་ཁྱད་པར་འཕགས་པའི་རྫོང་བཅའ་བའི་ལེའུ་སྟེ་བདུན་པའོ།། །། དེ་ནས་རང་གསལ
171a5 སེམས་དཔའ་རྡོ་རྗེ་དེས།། བློ་འདས་གསང་བདག་སྟོན་པ་ལ་ཞུས་པ།། རྒྱུད་ཅེས་བྱ་བའི་རང་བཞིན་ཇི་ལྟ་བུ།། རིན་ཆེན་སྒྲོན་མ་འདི་ཉིད་གང་གི་རྒྱུད།། དེ་ཡིས་དགོས་པ་ཇི་ཞིག་སྒྲུབ་པར་བྱེད།། ཅེས་ཞུས
171a6 པས།། གསང་བདག་སྟོན་པས་འཁོར་ལ་བཀའ་སྩལ་པ།། རྒྱུད་ནི་དངོས་པོ་ལྔ་དང་ལྡང་ཚད་བརྒྱད།། ངེས་ཚིག་དགོངས་པའི་གཞི་དང་དབྱེ་བའི་དོན།། མཐུན་པའི་དཔེ་དང་དགོས་པའི་གཞི་བསྟན་པའོ།། དངོས་པོ
iiif viewer powered by OpenSeadragon
