| e-texts navigator |
| Wylie |
170b1 སུ་ཕྱེ་ནས་ནི།། ཡུལ་ནི་ཀུན་རྫོབ་འཁྲུལ་པའི་སྣང་བ་ལ།། སེམས་ནི་དོན་དམ་སྤྲོས་དང་བྲལ་བར་བལྟ།། ཀྲྀ་ཡས་ཀུན་རྫོབ་སྣང་བ་རིགས་གསུམ་ལྷ།། དོན་དམ་དག་པའི་ཆོས་ཉིད་དུ་བལྟའོ།། ཨུ་པས་རིགས་བཞི
170b2 དལ་དང་སྐྱེ་འགག་མེད།། ཡོ་གས་རིགས་ལྔ་སྐྱེ་འགག་གཉིས་མེད་ལྟ།། མ་ཧཱས་སྣང་སྟོང་ཐབས་ཤེས་གཉིས་མེད་ལ།། ཨ་ནུས་རྒྱུ་འབྲས་དབྱིངས་དང་ཡེ་ཤེས་ལྷ།། ཨ་ཏིས་ཀ་དག་ལྷུན་གྲུབ་ངེས་མེད་ལྟ།། མིང
170b3 མེད་གཏིང་མཐའ་ཡས་པའི་ངོ་བོ་ལ།། དེ་ལྟར་ལྟ་བར་མིང་དུ་བཏགས་པས་ནོར།། ལྟ་བ་མ་སྐྱེས་ལྟ་བ་མ་འགགས་ཏེ།། ལྟ་བ་གཉིས་མེད་ལྟ་བ་རང་སར་གྲོལ།། ང་ཡི་ཡང་ཏི་རིན་ཆེན་སྒྲོན་མ་འདིར།། ཐེག་དགུའི
170b4 ལྟ་བ་མི་བསྒྲུབ་མུ་མཐའ་སྟོངས།། ལྟ་བ་ཆེད་དུ་མི་འགེག་མུ་མཐའ་སྟོངས།། དགག་བསྒྲུབ་གཉིས་སུ་མིང་མེད་མུ་མཐའ་སྟོངས།། གཉིས་མེད་མཐའ་གྲོལ་མིང་མེད་མུ་མཐའ་སྟོངས།། འབྲས་བུ་མཚན་ཉིད
170b5 སྡེ་གསུམ་ཐེག་པ་ཡིས།། དགྲ་བཅོམ་བསེ་རུ་སྐུ་གཞི་ཐོབ་པར་འདོད།། ཕྱི་པའི་སྔགས་ཀྱིས་ལོངས་སྐུ་ཞི་བའི་སྐུ།། མ་ཧཱས་སྐུ་ལྔ་ཡེ་ཤེས་ལྔ་བསྒྲུབ་ཅིང་།། ཨ་ནུ་དབྱིངས་གཅིག་ཡེ་ཤེས་གཅིག་བསྒྲུབ་དང་།། ཨ
170b6 ཏིས་སྐུ་གཅིག་ཡེ་ཤེས་གཅིག་ཏུ་བསྒྲུབ།། དེ་ལྟར་བློས་བཏགས་ཐེག་པའི་རིམ་པ་ཡི།། ཐོབ་བྱ་འཐོབ་བྱེད་རང་སར་དག་པ་ཡིས།། ཐིག་ལེ་སྤྱི་བརྡོལ་གཏིང་མཐའ་མ་རྟོགས་པས།། འབྲས་བུ་སངས་རྒྱས་མིང་དུ
iiif viewer powered by OpenSeadragon
