| e-texts navigator |
| Wylie |
170a1 བསྟན།། བསྒོམ་ཡོད་བསྒོམ་མེད་གང་ཡང་བློ་རྟོག་སྟེ།། བསྒོམ་པའི་མིང་དུ་བཏགས་པས་བཙོངས་པ་ཡིན།། ཅང་མེད་མ་ཡིན་ཀློང་དུ་ཅིར་སྣང་གི། ཡན་ལག་བུ་དང་ཆོས་ཉིད་ངོ་སྤྱོད་དེ།། འགྱུ་མེད
170a2 ང་དུ་རང་ཉིད་རང་ཐིམ་པས།། མ་བསྒོམས་དྲན་བསམ་སྐྱེ་མེད་སྙིང་པོའི་དོན།། གང་ཡང་རང་གྲོལ་འཛིན་བྲལ་ངོ་བོ་ཉིད།། ཆགས་བྲལ་མུ་མེད་གཏིང་ཡངས་སྙིང་པོ་འདི།། རྩོལ་བསྒྲུབ་གཉིས་འཛིན་བློ་ཡིས
170a3 རྟོགས་མི་འགྱུར།། ཤེས་མེད་གསལ་བའི་ངོ་བོར་འཁྲུལ་སྣང་དག། ཡིད་གཉིས་མཐའ་སྟོང་བརྗོད་མེད་གསུང་གིས་ནི།། བློ་འདས་གཏིང་ཡངས་གསང་བདག་དགོངས་པ་སྟོན།། སྙིང་པོ་མཐའ་སྟོངས་རིན་ཆེན་སྒྲོན
170a4 མ་འདིར།། བསྒོམ་ཡོད་བསྒོམ་མེད་མི་འདོད་མུ་མཐའ་སྟོངས།། གཉིས་ཀ་ཆེད་དུ་མི་འགག་མུ་མཐའ་སྟོངས།། དགག་བསྒྲུབ་གཉིས་མེད་མི་བསྒྲུབ་མུ་མཐའ་སྟོངས།། སྟོངས་དང་མི་སྟོངས་མིང་མེད་མུ་མཐའ
170a5 སྟོངས།། ལྟ་བ་ཐེག་པ་ཆུང་ངུ་ཉན་ཐོས་པས།། ཕྱི་ཡི་ཡུལ་དང་སེམས་ཉིད་སྣང་བ་ལ།། སེམས་ནི་བདག་མེད་ཡུལ་ནི་ཕྲ་རགས་རྡུལ།། རང་རྒྱལ་ཡུལ་གྱི་རྒྱུ་ནི་སྣང་བ་ལ།། སེམས་ནི་རྣམ་པར་རིག་བྱེད་མ་ཡིན
170a6 ནོ།། སེམས་ཙམ་ཡུལ་གྱི་རྣམ་པ་སེམས་ཡིན་ཞིང་།། སེམས་ཀྱི་ངོ་བོ་རང་རིག་རང་གསལ་འདོད།། ཡུལ་གྱི་རྣམ་པ་ཅིར་སྣང་བརྫུན་པ་ལ།། སེམས་ནི་རིག་པའི་ངོ་བོ་བདེན་པར་འདོད།། དབུ་མས་བདེན་པ་གཉིས
iiif viewer powered by OpenSeadragon
