| e-texts navigator |
| Wylie |
16b1 ལ།། གང་འཕྲད་རྐྱེན་གྱིས་སྣང་མོད་ཀྱང་།། སྣང་བའི་དུས་ནས་གོས་པ་མེད།། གོས་པ་མེད་ཀྱང་དེ་ལྟར་སྣང་།། དེ་བཞིན་རིག་པ་ཆོས་སྐུ་ལ།། ཡོན་ཏན་མ་འགག་སྣ་ཚོགས་ཤར།། ཤར་ཀྱང་རང་རིག་གཅིག་པུར
16b2 གསལ།། གཅིག་པུར་གནས་ལ་དུ་མ་མེད།། དུས་དང་གནས་སྐབས་ཐམས་ཅད་དུ།། དངོས་མེད་དག་པ་ཆེན་པོར་གནས།། སྒྲིབ་མེད་གསལ་བ་ཟང་ཐལ་གནས།། གཟུགས་སྐུ་གཉིས་ཀྱི་སྣང་བ་ཡང་།། རང་ལ་མི
16b3 སྣང་རྣམ་པར་དག། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རིག་པའི་རྩལ་འབྱུང་བ་དང་། རྩལ་རྣམ་པར་དག་པ་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་གསང་བའི
16b4 བདག་པོ་ཞུས་པ། དེས་མཚོན་ཚིག་རྣམས་གསུང་དུ་གསོལ། ཞེས་ཞུས་སོ།། སྟོན་པས་བཀའ་སྩལ་པ། ངས་བསྟན་རྒྱུད་ལུང་ཐམས་ཅད་དུ།། རྩལ་ཞེས་བྱུང་ན་འདི་སྐད་བཤད།། རིག་པའི་རྩལ་ནི་ཡེ་ཤེས་ལྔ།། དེ
16b5 ཡི་རྩལ་ནི་འོད་ཟེར་ལྔ།། འོད་ལྔའི་རྩལ་ནི་འབྱུང་བ་ལྔ།། ནམ་མཁའི་རྩལ་ནི་སྤྲིན་དང་ཁུ་རླུང་གིས་གོ་འབྱེད།། རླུང་གི་རྩལ་འུར་སྒྲ་དག་བསྐྱོད་པའོ།། ཆུ་ལས་ཤྭ་སྒྲ་དང་རླན་ཅིང་སྡུད་པའོ།། ས་ལས་གཟུགས་དང
16b6 སྣང་རྟེན་བྱེད་པའོ།། མེ་ལས་ཚ་བ་དང་བསྲེག་པ་སྨིན་པའོ།། འོད་དཀར་པོ་ལས་ཤ་དང་རུས་པ། འོད་སེར་པོ་ལས་མཁྲིས་པ་དང་ཆུ་སེར། འོད་དམར་པོ་ལས་ཁྲག་དང་དྲོད། འོད་ལྗང་གུ་ལས་དབུགས། འོད་ཐིང
iiif viewer powered by OpenSeadragon
