| e-texts navigator |
| Wylie |
16a1 འདའ་མི་སྲིད་པ་དང་མི་འདའ་བ་ནི་འདའ་ཀ་ཐུགས་སུ་འབྲུ་རྣམས་མནན། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཡེ་ཤེས་མཚོན་པའི་ཚིག་བསྟན་པའི་ལེའུ་སྟེ་བཅུ
16a2 པའོ།། །། ཉི་མའི་སྙིང་པོ་ལ་འོད་ཟེར་མི་འགག་པའི་མན་ངག། ཛྙཱ་ན་ཨཱ་ཤ་ཏ་རཏྣ། ཀཱ་ལ་པྲ་ས་ཧ་དུ། བཅོམ་ལྡན་འདས་ཐུགས་རྗེ་རྩལ་གྱི་དགོངས་པ་ལ་ཞུགས་སོ།། ཡང་གསང་པའི་བདག་པོས་དགོངས་པ
16a3 མཁྱེན་ནས་ཞུས་པ། ཆོས་སྐུ་གཅིག་ལ་ཐ་དད་སྣང་། རིག་པའི་རྩལ་དེ་ཤར་ལུགས་གསུང་དུ་གསོལ། ཞེས་ཞུས་སོ།། སྟོན་པས་བཀའ་སྩལ་པ། རིག་པ་དངོས་མེད་ཟང་ཐལ་ལ།། སྟོང་པ་མི་འགག་དབྱེར་མི
16a4 ཕྱེད།། དེར་ཤེས་ཐོགས་པ་མེད་པ་ནི། ཡེ་ཤེས་ལྔ་རུ་རང་ཤར་བའོ།། ཆོས་དབྱིངས་འོད་ཀྱི་ཡེ་ཤེས་རང་གདངས་ལས།། སྟོང་པའི་ངང་ནས་མཐིང་ག་གསལ།། མེ་ལོང་ཡེ་ཤེས་རང་གདངས་ནི།། འགག་མེད་དང
16a5 ནས་དཀར་པོར་གསལ།། མཉམ་ཉིད་ཡེ་ཤེས་རང་གདངས་ནི།། དབྱེར་མེད་ངང་ནས་སེར་པོར་གསལ།། ཀུན་རྟོགས་ཡེ་ཤེས་རང་གདངས་ནི།། དེ་ཤེས་དང་ནས་དམར་པོར་གསལ།། བྱ་གྲུབ་ཡེ་ཤེས་རང་གདངས
16a6 ནི།། ཐོགས་མེད་ཀློང་ནས་ལྗང་གུར་གསལ།། དེ་ལྔ་ཆོས་ཉིད་ཀློང་དུ་ཤར།། ཡེ་ཤེས་འོད་དུ་ཤར་ཅེས་བྱ།། རྟོགས་པས་སྐུ་དང་ཡེ་ཤེས་སྣང་།། མ་རྟོགས་སྣོད་བཅུད་གཉིས་སུ་ཤར།། དཔེར་ན་མེ་ལོང་དག་པ
iiif viewer powered by OpenSeadragon
