| e-texts navigator |
| Wylie |
169b1 རིན་ཆེན་སྒྲོལ་མ་འདི།། དེ་ལྟར་སྤྱོད་པའི་མིང་མེད་མུ་མཐའ་སྟོངས།། སྤྱོད་པ་འགག་པའི་མིང་མེད་མུ་མཐའ་སྟོངས།། དགག་བསྒྲུབ་གཉིས་ཀའི་མིང་མེད་མུ་མཐའ་སྟོངས།། གཉིས་མེད་ཉིད་ཀྱང་མིང་མེད་མུ་མཐའ
169b2 སྟོངས།། སྒོམ་པ་ཉན་ཐོས་རང་རྒྱལ་བྱང་སེམས་གསུམ།། ཀེང་རུས་ཚོལ་བའི་དབང་པོའི་སྒོ་འགེགས་པ།། རྟེན་འབྲེལ་ལུགས་འབྱུང་ལུགས་ལས་བཟློག་པ་དང་།། མཉམ་གཞག་རྗེས་ཐོབ་རྟོག་བཅས་རྟོག་མེད
169b3 བསྒོམ།། གསང་སྔགས་ཕྱི་པ་ཀྲི་ཨུ་ཡོ་ག་གསུམ།། ཡན་ལག་བཅུ་གཅིག་བྱང་ཆུབ་ལྔ་རིམ་གྱིས།། རིགས་གསུམ་རིགས་བཞི་རིགས་ལྔའི་དཀྱིལ་འཁོར་བསྒོམ།། ནང་པ་མ་ཧཱ་ཨ་ནུ་ཨ་ཏི་གསུམ།། མ་ཧཱས་ཕུང་པོ
169b4 ཁམས་དང་སྐྱེ་མཆེད་རྣམས།། ལྷ་དང་ལྷ་མོའི་དལ་དུ་སྒོམ་པར་བྱེད།། ཨ་ནུས་ཆོ་ག་ཡན་ལག་རྣམ་གསུམ་གྱིས།། དམ་ཚིག་ཡེ་ཤེས་གཉིས་མེད་སྒོམ་པར་བྱེད།། ཨ་ཏིས་བསྒོམ་དུ་ཡོད་མེད་རྣམ་པ་གཉིས།། བསྒོམ
169b5 ཡོད་འགྲོ་བ་གསུམ་གྱི་ལམ་བསྡོམས་ཤིང་།། སྐྱོན་ཅན་རྣམ་པ་གསུམ་གྱི་འབྲང་བསལ་ནས།། དྲན་རྟོག་ཀུན་བྲལ་ལྟ་བའི་དཔལ་འཇོག། བསྒོམ་མེད་འཁོར་འདས་གཉིས་མེད་ཆོས་རྣམས་ཀུན།། རང་བྱུང་ཡེ་ཤེས
169b6 ཆོས་ཉིད་རང་ཡིན་པས།། དེ་ལ་བསྒོམ་བྱ་སྒོམ་བྱེད་གཉིས་མེད་དོ།། ཅི་ཡང་བསྒོམ་དུ་མེད་པར་རྫོགས་པར་འདོད།། སྙིང་པོ་ངེས་དོན་བླ་མེད་ཡང་ཏི་འདིར།། གཉིས་འཛིན་བློས་བྱས་བསྒོམ་པ་ངས་མ
iiif viewer powered by OpenSeadragon
