| e-texts navigator |
| Wylie |
168a1 གཏན་ལ་འབེབས་པའི་ལེའུ་སྟེ་ལྔ་པའོ།། །། རང་གསལ་རྡོ་རྗེ་སེམས་དཔས་ཡང་ཞུས་པ།། མིང་མེད་མཐའ་འདས་སྟོན་པ་གསང་བའི་བདག། ཡང་ཏི་ལ་ཤན་རིན་ཆེན་སྒྲོན་མ་འདི།། སྐུ་གསུམ
168a2 བསྟན་པ་གསུམ་གྱིས་གསུངས་མ་གསུངས།། གསུང་ན་ཐེག་པའི་ཆོས་དང་ཁྱད་པར་གང་།། མ་གསུངས་སྟོན་པས་བསྟན་པ་གང་ཅི་ཞིག། ཅེས་ཞུས་པ་དང་། བློ་འདས་གསང་བདག་སྟོན་པས་བཀའ་སྩལ
168a3 པ།། མ་གཡོས་མཉམ་ཉིད་མིང་མེད་བློ་འདས་ལས། ཀུན་འབྱུང་རིམ་བརྒྱུད་འཁོར་ལོ་གསུམ་རིམ་གྱིས།། གསལ་བའི་རྣམ་པ་གཅིག་ཏུ་ཤར་ནས་ནི།། གསལ་བའི་འོད་ལས་ཁ་དོག་རྣམ་པ་ལྔ།། མེད་ལས་ཡོད་པར
168a4 བཟུང་བས་རིགས་དྲུག་བྱུང་།། མི་ཟད་གཏེར་མཛོད་ཀུན་འབྱུང་རིན་པོ་ཆེ།། སྐུ་ཡི་ཀློང་ནས་རང་བཞིན་སྣང་བ་གསུམ།། སྟོན་པ་རྣམ་གསུམ་ངོ་བོར་ཤར་ནས་ནི།། མོས་པ་ཐ་དད་ཐུགས་རྗེས་དྲང་བའི་ཕྱིར།། ཐབས
168a5 ཀྱི་བྱེ་བྲག་ཐ་དད་བསམ་ཡས་པ།། རྒྱུ་འབྲས་རིམ་དགུས་བསྡུས་པའི་ཆོས་རྣམས་ནི།། སྣང་ཚུལ་སྟོན་པ་སྐུ་གསུམ་རང་བྱུང་ནས།། སྙིང་པོ་རྟོགས་པར་བྱེད་པའི་ཐབས་སུ་བསྟན།། མིང་མེད་བློ་འདས་གྲུབ་པའི
168a6 མཐའ་བརླག་པའི།། སྙིང་པོ་ངེས་དོན་བླ་མེད་ཡང་ཏི་འདི།། སྐུ་གསུམ་སྟོན་པའི་བསྟན་པ་མ་ཡིན་ཏེ།། བློ་ཆོས་མཚན་མས་གྲོལ་བར་མི་སྟོན་པས།། ཆོས་འདས་ལ་བཟླ་ཆེན་པོར་ང་ཡིས་བཤད།། སྐུ་གསུམ་སྟོན
iiif viewer powered by OpenSeadragon
