| e-texts navigator |
| Wylie |
167b1 སྐུའི་མཚན་ཉིད་ནམ་མཁའ་ལྟ་བུ་ལ།། ལོངས་སྐུ་སྦྲུལ་སྤྲོ་འཇའ་མཚོན་ཆུ་ཟླ་འདྲ།། ཆོས་སྐུའི་གནས་ནི་དབྱིངས་ཉིད་རྣམ་པར་དག། ལོངས་སུ་འོག་མིན་སྦྲུལ་སྒྲ་འཇམ་གླིང་ཀུན།། ཆོས་སྐུའི་གཞི་ནི་སྟོང་ཉིད་པ
167b2 ཤེས་ལ།། ལོངས་སྐུའི་གཞི་ནི་མཉམ་ཉིད་ཡེ་ཤེས་ཏེ།། སོ་སོར་རྟོག་དང་ནན་ཏན་སྦྲུལ་སྐུའི་གཞི།། ཆོས་སྐུའི་གདུལ་བྱ་སྐུ་གསུང་ཐུགས་སྤྲུལ་ལ།། རང་རྒྱུད་འབྲེལ་པའི་འཁོར་རྣམས་འདུལ་བར་བྱེད།། ལོངས་སྐུའི
167b3 གདུལ་བྱ་ཕྱི་ནང་གསང་གསུམ་ལ།། དོན་གྱིས་གཅིག་པའི་འཁོར་རྣམས་འདུལ་བར་བྱེད།། སྦྲུལ་སྐུ་ཕྱི་འཁོར་ནང་འཁོར་གསུམ་ལས་ནི།། འདོད་པས་འདུས་པའི་འཁོར་རྣམས་འདུལ་བར་བྱེད།། ཆོས་སྐུའི་ཞིང
167b4 ཁམས་ནམ་མཁའི་མཐས་གཏུགས་པ།། ལོངས་སྐུའི་ཞིང་ཁམས་འོག་མིན་གནས་ཐམས་ཅད།། འཛམ་གླིང་བྱེ་བ་ཕྲག་བརྒྱར་སྦྲུལ་སྐུའོ།། ཆོས་སྐུའི་བསྟན་པ་བསྐྱེད་རྫོགས་རྣམ་གསུམ་སྟེ།། ལོངས་སྐུའི་བསྟན་པ་ཕྱི
167b5 རྒྱུད་སྡེ་གསུམ་ཡིན།། སྦྲུལ་སྐུའི་བསྟན་པ་མཚན་ཉིད་རྣམ་གསུམ་མོ།། ཆོས་སྐུས་བྱིན་རླབས་ལོངས་སྐུའི་ངོ་བོས་བཤད།། སྦྲུལ་སྐུས་ཚིག་གི་སྡེབས་ཀྱིས་འཆད་པར་བྱེད།། ཆོས་སྐུས་དགོངས་པ་ལོངས་སྐུའི་རིག
167b6 པས་བརྒྱུད།། སྦྲུལ་སྐུས་རྣ་བ་ནས་ནི་རྣ་བར་རོ།། སྟོན་པ་སྐུ་གསུམ་བསྟན་པའི་དགོས་པ་ནི།། གདུལ་བྱ་དབང་པོ་རབ་འབྲིང་གསུམ་འདུལ་བའོ།། ཞེས་གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས། སྐུ་གསུམ
iiif viewer powered by OpenSeadragon
