| e-texts navigator |
| Wylie |
167a1 ངང་ལས་ཀུན་འབྱུང་བས།། རྟོགས་མ་རྟོགས་ཀྱིས་འཁོར་འདས་གཉིས་སྣང་ཡང་།། མ་རྟོགས་འཁོར་བ་རྟོགས་པས་གཞི་ཤེས་ནས།། རྟོགས་པའི་གདེངས་ལྡན་འཁོར་བར་འཁྲུལ་མི་སྲིད།། དེས་ན་སྤྱི
167a2 གཞི་རྒྱ་ཆད་མེད་ན་ཡང་།། དེ་ཉིད་ངོ་ཤེས་སངས་རྒྱས་ཞེས་བྱ་སྟེ།། མ་བུ་དབྱེར་མེད་ཡེ་སངས་རྒྱས་པའོ།། དེ་ལས་སྣང་བ་གསུམ་གྱི་དཀྱིལ་འཁོར་ནས།། རྩལ་ཟེར་བསྟན་པ་གསུམ་གྱི་སྐུར་སྣང་བས།། འདོད་པའི
167a3 འབྲས་བུ་འཆར་གཞི་འདི་བསྟན་ཏོ།། གསལ་བྱེད་མིང་མེད་རིན་ཆེན་སྒྲོན་མ་འདི།། སྣང་ཚུལ་སྐུ་གསུམ་འགྲོ་བ་ཀུན་དོན་དུ།། འཛད་པ་མེད་པའི་ཐུགས་རྗེ་ཆེན་པོར་སྣང་།། ཞེས་གསུངས་སོ།། རིན་ཆེན་སྒྲོན་མ་རྩ
167a4 བའི་རྒྱུད་ལས། སངས་རྒྱས་ཀྱི་འབྱུང་ཚུལ་གཏན་ལ་འབེབས་པའི་ལེའུ་སྟེ་བཞི་པའོ།། །། དེ་ནས་སེམས་དཔའ་རྡོ་རྗེས་ཡང་ཞུས་པ།། སྐུ་གསུམ་རྒྱུ་དང་རང་བཞིན་མཚན་ཉིད་དང་།། གཞི་དང་གནས་དང
167a5 གདུལ་བྱའི་ཞིང་ཁམས་དང་།། བསྟན་པ་གསུང་ཚུལ་བརྒྱུད་པ་དགོས་ཆེད་གང་།། ཞེས་ཞུས་པས། བློ་འདས་གསང་བདག་སྟོན་པས་བཀའ་སྩལ་པ།། ཆོས་སྐུའི་རྒྱུ་ནི་ཀུན་གཞིའི་རྣམ་ཤེས་ཏེ།། ལོངས་སྐུ་ཡིད་ཀྱི
167a6 རྣམ་པར་ཤེས་ལས་བྱུང་།། སྦྲུལ་སྐུ་སྒོ་ལྔའི་རྣམ་ཤེས་དེ་ལས་སོ།། ཆོས་སྐུའི་རང་བཞིན་སྙིང་པོ་སྐྱེ་བ་མེད།། ལོངས་སྐུའི་རང་བཞིན་འགག་མེད་གཡོ་བ་མེད།། སྦྲུལ་སྐུ་གཉིས་མེད་རྒྱུན་པར་བཞུགས་པའོ།། ཆོས
iiif viewer powered by OpenSeadragon
