| e-texts navigator |
| Wylie |
166b1 རྒྱུ་འབྲས་རྩོལ་བ་མཐར་འབྱིན་པས།། ཡང་དག་སྙིང་པོ་མིང་མེད་རྒྱང་དུ་འཕར།། ཅང་མེད་ཅིར་ཡང་སྣང་བའི་རྐྱེན་བྱས་ནས།། རང་རང་འདོད་པའི་དོན་ལ་ཞེན་པ་ཡིས།། ཡང་དག་དོན་ལས་འཁྲུལ་པས་རྟོགས
166b2 པར་བཟུང་།། ཀུན་ཏུ་བརྟགས་པའི་མ་རིག་པ་ཞེས་བྱ།། ལོག་རྟོགས་ཁམས་གསུམ་སེམས་ཅན་ཐམས་ཅད་ནི།། དུས་གསུམ་གཉིས་འཛིན་ནད་ཀྱིས་རབ་གཟིར་ནས།། ཡུན་རིང་འཁོར་བའི་གནས་སུ་སྡུག་བསྔལ
166b3 མྱངས།། ཞེས་གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས། སེམས་ཅན་གྱི་འཁྲུལ་ཚུལ་བསྟན་པའི་ལེའུ་སྟེ་གསུམ་པའོ།། །། དེ་ནས་རང་གསལ་སེམས་དཔའ་རྡོ་རྗེ་དེས།། བློ་འདས་གསང་བདག་སྟོན་པ
166b4 ལ་ཞུས་པ།། དེ་ལྟར་མ་རིག་འཁོར་བའི་སེམས་ཅན་རྣམས།། འཁྲུལ་ཚུལ་འཁོར་བའི་ཉེས་པ་དེ་ལྟར་ན།། ཡང་དག་སངས་རྒྱས་ངོ་བོ་འབྱུང་ཚུལ་གང་།། ཞེས་གསོལ་པས། བློ་འདས་གསང་བདག་སྟོན་པས་བཀའ
166b5 སྩལ་པ།། མ་བྱུང་མ་སྐྱེས་ཐོག་མའི་སྔོན་རོལ་ན།། མིང་མེད་མཉམ་ཉིད་ཕྱོགས་ལྷུང་མེད་པ་ལས།། རྩལ་གྱི་ཡན་ལག་རྟོགས་པའི་ཟེར་འཕྲོས་ཀྱང་།། འཕྲོ་ས་མ་རྙེད་གཞི་ཡི་ཀློང་དུ་ཐིམ།། གཞི་ཉིད་ངོ་ཤེས་རྟོག
166b6 པའི་གདངས་ལྡན་པས།། སྔོན་ཐོག་གཞི་ཡི་སངས་རྒྱས་ཞེས་བྱའོ།། དཔེར་ན་ག་པུར་གཞི་ལ་གཉིས་མེད་ཀྱང་།། ཚ་གྲང་རྐྱེན་གྱི་སྨན་དུག་གཉིས་སུ་སྣང་།། གྲང་བའི་དུག་ཏུ་ངོ་ཤེས་ཟ་མི་སྲིད།། དེ་བཞིན་གཞི་ཡི
iiif viewer powered by OpenSeadragon
