| e-texts navigator |
| Wylie |
166a1 ཡིན་སྙམ་པ་ཡིད་དུ་མྱོངས།། སྙམས་བྱེད་འདོད་པས་སེམས་སུ་གསལ་བར་འགྱུས།། གསལ་བ་ཁ་དོག་ལྔ་རུ་སྣང་བ་ལ།། འོད་ཀྱི་དངོས་པོ་དེ་ཡིས་རྐྱེན་བྱས་ནས།། མེད་ལས་ཡོད་བྱུང་རིགས་དྲུག
166a2 སེམས་ཅན་རྣམས།། སྙིང་པོ་མིང་མེད་རང་ངོ་མ་ཤེས་འཁྲུལ།། དཔེར་ན་དམུས་ལོང་མདུན་ན་གཟུགས་སྣང་འདྲ།། མེད་པར་ཡོད་སྣང་དུང་ལ་སེར་པོ་བཞིན།། ཀུན་གཞིའི་རྣམ་པར་ཤེས་པས་གཞི་བྱས
166a3 ནས།། ཚོགས་བདུན་ཤེས་པའི་རྩལ་གྱིས་རང་མ་ཤེས།། དཔེར་ན་རྒན་མོ་ལོང་བའི་མིག་དང་འདྲ།། རྩལ་དང་རང་ངོ་རང་གིས་མ་ཤེས་པས།། གཞི་ལ་འཁྲུལ་དུས་ལྷན་ཅིག་སྐྱེས་པ་ལས།། ལྷན་ཅིག་སྐྱེས་པའི་མ
166a4 རིག་པ་ཞེས་བྱ།། དེ་ནས་ང་བདག་གཟུང་འཛིན་ཕྱི་ནང་ཟུང་།། ཤིང་གི་སྲིན་བཞིན་ཁམས་གསུམ་སྡུག་བསྔལ་མྱངས།། རང་ངོ་རང་གི་མ་ཤེས་བསྒྲིབས་པས་བྱུང་།། རང་ལས་གཞན་དུ་བཙལ་པས་གོལ་བར
166a5 ལྷུང་།། རྩོལ་བསྒྲུབ་གཉིས་འཛིན་རྒྱས་པས་འཁྲུལ་པ་བརྟས།། རྣམ་རྟོག་བཏགས་ཆགས་གཟུགས་གཞན་གོལ་བ་དང་།། གདེང་མེད་ཚིག་ལ་འབྱམས་པས་གོལ་བ་དང་།། གྲུབ་མཐའི་ལྟ་བ་བཟུང་བས་གོལ་བ
166a6 དང་།། སྤངས་བླངས་སྤྱོད་པ་བྱས་པས་གོལ་བ་དང་།། བསྒོམ་ཆགས་ཉམས་ལ་ཞེན་པས་གོལ་བ་དང་།། བློས་བྱས་འབྲས་བུ་བསྒྲུབས་པས་གོལ་བ་ཡིས།། སྙིང་པོ་མིང་མེད་མཐའ་སྟོང་རྟོགས་པ་མིན།། འཇིག་རྟེན
iiif viewer powered by OpenSeadragon
