| e-texts navigator |
| Wylie |
165b1 བླང་དོར་དམིགས་འཛིན་བྲལ།། རིགས་དྲུག་སེམས་ཅན་འཁྲུལ་པའི་རྟོག་པ་དང་།། དུས་གསུམ་རྒྱལ་བའི་ཡེ་ཤེས་དགོངས་པ་གཉིས།། སྙིང་པོ་མིང་མེད་དོན་གྱི་ངོ་བོ་མཉམ།། མཉམ་དང་མི་མཉམ་ཉིད་ཀྱང་མཚོན
165b2 བརྗོད་མེད།། མཚོན་བརྗོད་ཡོད་མེད་ཉིད་ཀྱང་གཏིང་མཐའ་གྲོལ།། མ་བྱུང་མ་སྐྱེས་རང་བཞིན་བར་དོན།། སེམས་ཉིད་ངོ་བོ་མཁའ་དང་འཇའ་ལྟར་གནས།། ཇི་བཞིན་མ་བསླད་སྙིང་པོ་ཀུན་གྱི་གཞི།། མ་ཕྱེད་མི
165b3 ཕྱེད་འགྲོ་འོང་མེད་པའི་གནས།། ཤེས་འགྱུ་མྱོང་རིག་མེད་པའི་དངོས་གཞི་ཅན།། མ་བྱུང་མ་བཙལ་དམིགས་མེད་དངོས་པོ་མེད།། བྱར་མེད་ཆགས་པ་མེད་པ་བདེ་བའི་ངང་།། འགྱུར་མེད་རང་གནས་ཀློང་ཡངས
165b4 ཚིག་ལས་འདས།། ཞེས་གསུངས་སོ།། རིན་ཆེན་སྒྲོན་མ་རྩ་བའི་རྒྱུད་ལས། གནས་ལུགས་གཏན་ལ་ཕབ་པའི་ལེའུ་སྟེ་གཉིས་པའོ།། །། དེ་ནས་རང་གསལ་སེམས་དཔའ་རྡོ་རྗེ་དེས། བློ་འདས་གསང་བདག་སྟོན
165b5 པ་ལ་ཞུས་པ།། གནས་ལུགས་རང་བཞིན་དེ་ལྟར་གནས་པ་ལ།། འགྲོ་དྲུག་སེམས་ཅན་འདི་དག་ཇི་ལྟར་འཁྲུལ།། འཁྲུལ་པའི་ངོ་བོ་གང་ཡིན་འཁྲུལ་ཚུལ་གང་།། དེ་ཡི་ཉེས་པ་གང་ལགས་བཀའ་སྩོལ་ཅིག། ཅེས
165b6 ཞུས་པས། གསང་བདག་དོན་གྱི་སྟོན་པས་བཀའ་སྩལ་པ།། གནས་ལུགས་མཉམ་པའི་ངང་ལས་འཁྲུལ་ཚུལ་ནི།། སྟོང་པའི་ངང་ལས་འགྱུ་བ་རླུང་གཡོས་པས།། དེ་ལས་རིག་པ་རང་སར་ཤར་བ་ལས།། ཡིན་ནམ་མ
iiif viewer powered by OpenSeadragon
