| e-texts navigator |
| Wylie |
165a1 སྩལ་པ།། མ་བྱུང་མ་སྐྱེས་ཐོག་མའི་སྔོན་རོལ་ནས།། སེམས་ཉིད་གཏིང་ཡངས་དོན་གྱི་གནས་ལུགས་ནི།། མིང་མེད་ཤེས་མེད་རྟོག་མེད་ཀུན་འབྱུང་མཛོད།། མཐའ་སྟོངས་སྙིང་པོ་དོན་གྱི་རང་བཞིན
165a2 ལ།། མ་རིག་ཡེ་ཤེས་འཁྲུལ་དང་མ་འཁྲུལ་མེད།། སྟོང་ལས་ཀུན་འབྱུང་འཁྲུལ་རྟོག་སྣ་ཚོགས་དང་།། བྱུང་སར་རང་གྲོལ་རང་སྣང་ཡེ་ཤེས་ཡིན།། སྙིང་པོ་གཞི་ཡི་ངང་དུ་དབྱེ་བསལ་མེད།། ངོ་བོ་ཀུན་བྲལ་ཐོག
165a3 མཐའ་དགེ་སྡིག་དང་།། མཐའ་དབུས་ཕྱོགས་རིས་བླང་དོར་མིང་ཡང་མེད།། ཇི་བཞིན་ཅང་མེད་དབྱིངས་ལས་མ་གཡོས་ཀྱང་།། འོན་ཀྱང་རང་བཞིན་ཇི་ལྟར་གསལ་བར་སྣང་།། ཆོས་ཀུན་རྩ་བ་དངོས་མེད་བྱང་ཆུབ
165a4 སེམས།། མེད་ལས་མི་ཟད་འབྱུང་བའི་མཛོད་ཆེན་པོ།། རང་བཞིན་ཡེ་ནས་མ་བཅོས་གཏིང་མཐའ་ཡས།། ངོ་བོ་ཅི་ཡང་མ་ཡིན་བློ་ལས་འདས།། མཚན་ཉིད་ཐ་དད་བསམ་ཡས་ཅིར་ཡང་སྣང་།། གནས་ལུགས
165a5 གཏིང་ཡངས་དོན་གྱི་ངོ་བོ་ལ།། ཆོས་ཅན་ཆོས་ཉིད་མི་ཕྱེད་མཉམ་པ་ཉིད།། བདེན་རྫུན་འཁྲུལ་མཐའ་རང་གྲོལ་ཞེ་འདོད་མེད།། གསལ་དག་ཟང་ཟལ་རིན་ཆེན་སྒྲོན་མ་འདི།། ངོ་བོ་ཅིར་ཡང་མ་གྲུབ་ནམ་མཁའ
165a6 བཞིན།། རྒྱུ་ལས་མ་བྱུང་ནམ་ཡང་སྐྱེ་མི་འགྱུར།། སངས་རྒྱས་སེམས་ཅན་དབྱེར་མེད་ངོ་བོ་གཅིག། གཅིག་པོ་བསྟན་དུ་མེད་པའི་སྙིང་པོ་ངོ་བོ་ཉིད།། སྣང་སྟོང་རྟག་དང་ཆད་པའི་མཐའ་ལས་གྲོལ།། སྤང་བྱ་གཉེན་པོ
iiif viewer powered by OpenSeadragon
