| e-texts navigator |
| Wylie |
164b1 མེད་པ། རང་བཞིན་གྱི་མིང་ལས་འདས་པའི་གནས་ནས། སྙིང་པོ་རང་བྱུང་བློ་ལས་འདས་པའི་སྟོན་པ་གསང་བདག་ཆེན་པོ་ལ། རང་གི་བཞིན་གྱི་འཁོར་རྣམ་པ་གསུམ་གྱིས་བསྐོར་ནས། ཐོག་པར་ཐ་གསུམ་གྱི
164b2 ཕྱོགས་རིས་དང་བྲལ་བའི་དུས་སུ། སྣང་ཚུལ་ཐམས་ཅད་བློ་འདས་སུ་སྟོན་པ། མིང་མེད་མཐའ་གྲོལ་གྱི་བསྟན་པ་འདི་བཀོད་དོ།། དེའི་ཚེ་འཁོར་གྱི་ནང་ནས་རང་གསལ་སེམས་དཔལ་རྡོ་རྗེས་སྟོན་པ་ལ་ཞུས་པ།
164b3 ཨེ་མ་སྟོན་པ་གསང་བའི་བདག་པོ་ཆེ།། མིང་མེད་མཐའ་གྲོལ་བློ་འདས་རང་ངོ་འདི།། མ་རྟོགས་གཉིས་འཛིན་གྲུབ་མཐས་བཅིངས་པ་རྣམས།། བློས་བཏགས་མཐར་འཛིན་རང་སར་གྲོལ་བའི་ཕྱིར།། རྒྱུ་དང་འབྲས
164b4 བུའི་ཆོས་རྣམས་ལ་བཟླ་བའི།། ཁྱད་འཕགས་དོན་གྱི་རང་བཞིན་ཡང་ཏིག་གང་།། དེ་ཡིས་འཛིན་པའི་མཐའ་རྣམས་ཇི་ལྟར་གྲོལ།། ཞེས་ཞུས་སོ།། བལྟ་བ་ལ་ཤན་ཆེན་པོ་རིན་ཆེན་སྒྲོན་མ་རྩ་བའི་རྒྱུད་ལས།། གླེང
164b5 གཞིའི་ལེའུ་སྟེ་དང་པོའོ།། །། དེ་ནས་སྟོན་པ་གསང་བའི་བདག་པོ་དེ།། ཆོས་ཐམས་ཅད་དབྱིངས་ལས་ཤར་ཏེ་དབྱིངས་སུ་རང་སར་གྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ལ་རང
164b6 གསལ་སེམས་དཔའ་རྡོ་རྗེས་ཞུས་པ། མ་བྱུང་མ་སྐྱེས་ཐོག་མའི་སྔོན་རོལ་ན།། མིང་མེད་དོན་གྱི་དངོས་གཞི་ཇི་ལྟ་བུ།། ཞེས་ཞུས་པས། གསང་བདག་སྟོན་པ་ཆེན་པོ་དེས་ཏིང་ངེ་འཛིན་དེ་ལས་བཞེངས་ཏེ་བཀའ
iiif viewer powered by OpenSeadragon
