| e-texts navigator |
| Wylie |
164a1 ཀློང་།། རུས་སྦལ་མཁར་གཞོང་བཅུག་པས་གར་མི་བརྟོལ།། ཀ་དག་དངོས་མེད་རྟོག་པ་ལས་གཞན་མེད།། མེད་ལས་སྣ་ཚོགས་ཅད་མེད་ཅིར་ཡང་སྣང་།། གཅིག་ནི་མ་གྲུབ་སྟོང་ཉིད་ལས་བྱུང་དངས
164a2 སང་ངེ།། ཡེ་མེད་དངོས་མེད་སྟོང་གསལ་ངང་གིས་དངས།། གཏིང་གསལ་འོད་གསལ་ཅང་མེད་བྱ་བཙལ་མེད།། བསམ་མེད་བསམ་གྱིས་མི་ཁྱབ་མཚོན་ཚིག་མེད།། བརྟག་མེད་བརྟག་དཀའ་བཙལ་མེད་བཞག་ན
164a3 གསལ།། ཐ་སྙད་ཙམ་ཡིན་སྒྲ་བསམ་ཡུལ་ལས་འདས།། ཞེས་གསུངས་སོ།། ནམ་མཁའ་འབྲུག་སྒྲོགས་ཐོག་བབས་ཀློང་འདུས་སྤྱི་རྒྱལ་རྒྱ་མདུད་ཀྱི་རྒྱུད་ལས། རྒྱུད་ཀྱི་མཚོན་དཔེ་བསྟན་པའི་ལེའུ་སྟེ་བཅུ
164a4 པའོ།། །། ནམ་མཁའ་འབྲུག་སྒྲོགས་ཐོག་བབས་ཀློང་འདུས་སྤྱི་རྒྱལ་ཆུ་སྲིན་ནོར་བུ་འཕྲུལ་གྱི་རྒྱ་མདུད་གྱི་རྒྱུད་རྫོགས་སོ།། །། ཨུ་རྒྱན་གྱི་སློབ་དཔོན་པདྨ་འབྱུང་གནས་དང་། ལོ་ཙྪ་བ་སྐ་བ་དཔལ
164a5 བརྩེགས་ཀྱིས་བསྒྱུར་ནས་ལྷ་སྲས་ཁྲི་སྲོང་ལྡེ་བཙན་ལ་གདམས་པ། རིན་པོ་ཆེའི་གཏེར་དུ་སྦས་སོ།། །། རྒྱ་གར་སྐད་དུ། དྲྀཥྚི་མ་ཧཱ་ནི་ཡ་མ་རཏྣ་དཱི་པ་མཱུ་ལ་ཏནྟྲ། བོད་སྐད་དུ། ལྟ་བ་ལ་ཤན་ཆེན་པོ་རིན་ཆེན
164a6 སྒྲོན་མ་རྩ་བའི་རྒྱུད། མིང་མེད་མཐའ་ལས་འདས་པའི་གསང་བདག་ཆེན་པོ་ལ་ཕྱགས་ཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། མ་བྱུང་མ་སྐྱེས་མཉམ་པ་ཆེན་པོ། ཆོས་དབྱིངས་རྒྱ་ཆད་ཕྱོགས་ལྷུང
iiif viewer powered by OpenSeadragon
